ഡ്രഡ്ജർ ഇടപാട് : സംസ്ഥാന സർക്കാരിന്റെ ഹർജി സുപ്രിംകോടതി ഇന്ന് പരിഗണിക്കും

ഡ്രഡ്ജർ ഇടപാടിൽ മുൻ വിജിലൻസ് ഡയറക്ടർ ജേക്കബ് തോമസ് പ്രതിയായ കേസ് ഹൈക്കോടതി റദ്ദാക്കിയതിനെതിരെ സംസ്ഥാന സർക്കാർ സമർപ്പിച്ച ഹർജി സുപ്രീംകോടതി ഇന്ന്(17.05) പരിഗണിക്കും. സമാന ആവശ്യമുന്നയിച്ച് പൊതുപ്രവർത്തകനായ സത്യൻ നരവൂർ സമർപ്പിച്ച ഹർജിയും ജസ്റ്റിസ് അജയ് രസ്തോഗി അധ്യക്ഷനായ ബെഞ്ച് പരിഗണിക്കും.

രണ്ട് ഹർജികളിലും ജേക്കബ് തോമസിന് നോട്ടീസ് അയക്കാൻ കോടതി നേരത്തെ ഉത്തരവിട്ടിരുന്നു. പോർട്ട് ഡയറക്ടർ ആയിരിക്കെ, ടെക്നിക്കൽ കമ്മിറ്റിയെ മറികടന്ന് ഡ്രഡ്ജർ ഇടപാടിന് ജേക്കബ് തോമസ് ഒത്താശ ചെയ്തെന്നാണ് വിജിലൻസ് ആരോപണം. അന്വേഷണം പൂർത്തിയാക്കാൻ പോലും അനുവദിക്കാത്ത നടപടിയാണ് ഹൈക്കോടതിയിൽ നിന്നുണ്ടായതെന്ന് സംസ്ഥാന സർക്കാർ സമർപ്പിച്ച ഹർജിയിൽ ചൂണ്ടിക്കാട്ടി.

Story Highlights: dredger case supreme court