ചിങ്ങവനം മുതൽ ഏറ്റുമാനൂർ വരെയുള്ള ഇരട്ടപ്പാതയിൽ ഇന്ന് സുരക്ഷാ പരിശോധന നടക്കും

കോട്ടയം ചിങ്ങവനം മുതൽ ഏറ്റുമാനൂർ വരെയുള്ള ഇരട്ടപ്പാതയിൽ ഇന്ന് സുരക്ഷാ പരിശോധന നടക്കും. രാവിലെ എട്ട് മണിക്കാണ് സുരക്ഷാ പരിശോധന നടക്കുന്നത്. റെയിൽവേ സുരക്ഷാ കമ്മീഷണർ അജയ് കുമാർ റായിയാണ് പരിശോധനക്ക് നേതൃത്വം നൽകുന്നത്. സുരക്ഷാ പരിശോധനക്ക് ശേഷം വേഗ പരിശോധനയും നടത്തും. രണ്ടും വിജയകരമാവുകയാണെങ്കിൽ വരുന്ന ഇരുപത്തെട്ട് മുതൽ പുതിയ പാതയിൽ ട്രെയിൻ ഓടി തുടങ്ങും. സുരക്ഷാ പരിശോധനയുടെയും സിഗ്നൽ മാറ്റത്തിന്റെയും മുന്നോടിയായി കോട്ടയം വഴിയുള്ള റെയിൽ ഗതാഗതത്തിൽ കടുത്ത നിയന്ത്രണം ഏർപ്പെടുത്തിയിട്ടുണ്ട്.

Story Highlights: kottayam chingavanam railway line