Advertisement

മദ്യപിച്ച് വാഹനമോടിച്ച് വനംവകുപ്പ് ഉദ്യോഗസ്ഥർ; ഒരാളുടെ കാലിലൂടെ കാർ കയറിയിറങ്ങി

May 27, 2022
2 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

മദ്യപിച്ച് വാഹനമോടിച്ച് അപകടമുണ്ടാക്കിയ രണ്ട് വനം വകുപ്പ് ഉദ്യോഗസ്ഥർക്കെതിരെ പൊലീസ് കേസെടുത്തു. കൊല്ലം ചിന്നക്കടയിലാണ് സംഭവം. ചിന്നക്കട റൗണ്ടിന് സമീപം ബുധനാഴ്ച രാത്രി ഒമ്പതരയ്ക്ക് ഉണ്ടായ അപകടത്തിലാണ് കൊല്ലം ഈസ്റ്റ് പൊലീസ് കേസ് രജിസ്റ്റർ ചെയ്തത്.

അമിതവേഗതയിലെത്തിയ കാർ ഒരാളുടെ കാലിലൂടെ കയറിയിറങ്ങുകയായിരുന്നു. കരിക്കോട് ചപ്പേത്തടം സ്വദേശിയായ നൗഷാദിനാണ് (42) വാഹനാപകടത്തിൽ പരുക്കേറ്റത്. നിറുത്താതെപോയ കാർ ചിന്നക്കടയ്ക്കടുത്തുവച്ച് നാട്ടുകാരും ഓട്ടോ ഡ്രൈവർമാരും ചേർന്ന് തടഞ്ഞ് പൊലീസിന് കൈമാറുകയായിരുന്നു.

Read Also: സുഹൃത്തുക്കൾക്കൊപ്പം മദ്യപിച്ച് വരൻ എത്താൻ വൈകി; മറ്റൊരു വ്യക്തിയെ വിവാഹം കഴിച്ച് പെൺകുട്ടി

​ഗുരുതരമായി പരുക്കേറ്റ നൗഷാദിനെ ആദ്യം കൊല്ലം ജില്ലാ ആശുപത്രിയിൽ എത്തിച്ച് പ്രാഥമിക ചികിത്സ നൽകി. നില വഷളായതിനെ തുടർന്ന് ഇദ്ദേഹത്തെ തിരുവനന്തപുരം മെഡിക്കൽ കോളജ് ആശുപത്രിയിലേക്ക് മാറ്റി.

Story Highlights:Forest officials driving under the influence of alcohol

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement