Advertisement

വളർത്തുനായ കടിച്ചത് മൂന്ന് മാസം മുമ്പ്, പ്രതിരോധ കുത്തിവെയ്പ്പ്​ എടുത്തില്ല; ഒമ്പതുവയസുകാരൻ പേവിഷബാധയേറ്റ് മരിച്ചു

May 29, 2022
2 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

വീട്ടിലെ വളർത്തുനായയിൽ നിന്ന് മൂന്നു മാസം മുമ്പ് കടിയേറ്റ് ചികിത്സയിലായിരുന്ന​ ഒമ്പതുവയസുകാരൻ പേവിഷബാധയേറ്റ് മരിച്ചു. പോരുവഴി നടുവിലേമുറി ജിതിൻ ഭവനത്തിൽ ഫൈസലാണ് മരിച്ചത്. 2022 മാർച്ചിലാണ് കുട്ടിയെ നായ കടിച്ചത്. ഏഴാംമൈൽ സെന്റ് തോമസ് സ്കൂളിലെ നാലാം ക്ലാസ് വിദ്യാർത്ഥിയായിരുന്നു.

സംഭവം നടന്ന് മൂന്നു​ മാസം പിന്നിട്ടിട്ടും കുട്ടി പേടിമൂലം ആശുപത്രിയിൽ പോവുകയോ പ്രതിരോധ കുത്തിവെപ്പ്​ എടുക്കുകയോ ചെയ്തിരുന്നില്ല. അസുഖം കൂടിയതിനെ തുടർന്നാണ് കുട്ടിയെ ഒരാഴ്ച മുമ്പ് തിരുവനന്തപുരം മെഡിക്കൽ കോളജ് ആശുപത്രിയിൽ എത്തിച്ചത്. തീവ്രപരിചരണ വിഭാഗത്തിൽ ചികിത്സയിലായിരുന്നു ഫൈസൽ. ശനിയാഴ്ച പുലർച്ചയോടെയാണ് മരണം സംഭവിച്ചത്​.

Read Also: വളർത്തുനായയെ നടത്തിക്കാൻ സ്റ്റേഡിയം ഒഴിപ്പിച്ചു; ഐഎഎസ് ദമ്പതികളെ സ്ഥലം മാറ്റി

മാതാപിതാക്കൾ വേർപിരിഞ്ഞതിനാൽ ഫൈസൽ മാതാവി​ന്‍റെ ബന്ധുക്കൾക്കൊപ്പമാണ് കഴിഞ്ഞിരുന്നത്. ശനിയാഴ്ച രാവിലെ പോരുവഴിയിലെ വീട്ടിലെത്തിച്ച മൃതദേഹം പൊതുദർശനത്തിനു വെച്ച ശേഷം പിതാവിന്റെ സ്വദേശമായ തിരുവനന്തപുരം നെടുമങ്ങാട് എത്തിച്ച് സംസ്​കരിച്ചു. ഫൈസലിന്‍റെ മുത്തച്ഛനും മുത്തശ്ശിക്കും നായയുടെ കടിയേറ്റിരുന്നു. ഇരുവരുടെയും ആരോ​ഗ്യനില മോശമായതിനാൽ തിരുവനന്തപുരം മെഡിക്കൽ കോളജ് ആശുപത്രിയിലേക്ക് മാറ്റിയിരിക്കുകയാണ്.

Story Highlights: Nine year old boy dies due to rabies

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement