ദൃശ്യങ്ങള് ചോര്ന്നത് എന്റെ ജീവിതത്തെ ബാധിക്കും; അന്വേഷിക്കണം: ഭയമുണ്ടെന്ന് അതിജീവിത
മെമ്മറി കാര്ഡിലെ ദൃശ്യങ്ങള് ചോര്ന്നത് അന്വേഷിക്കണമെന്ന് അതിജീവിത. ദൃശ്യങ്ങള് ചോര്ന്നത് തന്റെ ജീവിതത്തെ പ്രതികൂലമായി ബാധിക്കുെമന്നും സ്വതന്ത്രവും നീതിയുക്തവുമായ അന്വേഷണം വേണമെന്നും അതിജീവിത കോടതിയിൽ. അനേഷണ സംഘത്തിന് കൂടുതൽ സമയം നൽകണമെന്നും അതിജീവിത വ്യക്തമാക്കി. അതേസമയം നടിയെ ആക്രമിച്ച കേസില് ഡിജിറ്റല് രേഖകള് പരിശോധിക്കാന് കൂടുതല് സമയം വേണമെന്നും പ്രോസിക്യൂഷന് കോടതിയിൽ അറിയിച്ചു.(actress attack case survivor highcourt)
Read Also: ‘ഒരു മണിക്കൂറെങ്കിലും മുഖ്യമന്ത്രിക്ക് പി സി ജോര്ജിനെ ജയിലിലിടണം’; പ്രീണനമെന്ന് ഷോണ് ജോര്ജ്
ജുഡീഷ്യറിയെ അപകീര്ത്തിപ്പെടുത്താന് ശ്രമിച്ചില്ലെന്നും ദിലീപിന്റെ വാദം കളവെന്നും സർക്കാർ അറിയിച്ചു. കൂടാതെ വിചാരണ കോടതിക്കെതിരെ നടിയും ഡബ്ബിങ് ആര്ട്ടിസ്റ്റുമായ ഭാഗ്യലക്ഷ്മി രംഗത്തെത്തി. കേസുമായി ബന്ധപ്പെട്ട് ഇപ്പോള് കോടതിയില് നടക്കുന്നത് നാടകമാണെന്ന് ഭാഗ്യലക്ഷ്മി വിമര്ശിച്ചു. കോടതികളില് ആദ്യമേ വിധിയെഴുതി വച്ചൂ. ഇനി പ്രഖ്യാപിക്കേണ്ട ദിവസം മാത്രമേയുള്ളൂ. ഹര്ജികളുമായി ചെല്ലുമ്പോള് പ്രോസിക്യൂട്ടര്മാര് കോടതി മുറിക്കുള്ളില് അപമാനിക്കപ്പെടുകയാണ്. എന്നാല് എന്തുകൊണ്ടാണ് പ്രോസിക്യൂട്ടര്മാര് കേസില് നിന്ന് പിന്മാറാന് കാരണമെന്ന് കോടതി ചോദിക്കുന്നില്ല. ഉന്നതനോട് കോടതിക്ക് ഒരു സമീപനമെന്നും പാവപ്പെട്ടവനോട് മറ്റൊരു സമീപമാണെന്നും ഭാഗ്യലക്ഷ്മി കുറ്റപ്പെടുത്തി.
എന്നാൽ നടിയെ ആക്രമിച്ച കേസിൽ പ്രോസിക്യൂഷൻ ജുഡീഷ്യറിയെ അപകീര്ത്തിപ്പെടുത്താന് ശ്രമിക്കുന്നെന്ന് ദിലീപ്. കോടതി വിഡിയോ പരിശോധിച്ചെങ്കില് എന്താണ് തെറ്റെന്നും അന്വേഷണവിവരങ്ങള് ഇപ്പോഴും മാധ്യമങ്ങളിലൂടെ പുറത്തുവരുന്നു, പ്രോസിക്യൂഷനും അന്വേഷണ സംഘവുമാണ് ഇതിന് പിന്നിലെന്നും കോടതിയിൽ ദിലീപ് പറഞ്ഞു. വിചാരണ ഒഴിവാക്കാനാണ് അന്വേഷണ സംഘത്തിന്റെ ശ്രമം. അഭിഭാഷകരെ പോലും പ്രതിക്കൂട്ടിലാക്കാൻ ശ്രമം നടക്കുന്നു.
ഒരുദിവസംപോലും തുടരന്വേഷണം നീട്ടരുതെന്ന് ദിലീപ് പറയുന്നു.നടിയെ ആക്രമിച്ച ദൃശ്യങ്ങള് തന്റെ കൈവശമില്ലെന്നും മെമ്മറി കാര്ഡിന്റെ ഹാഷ് വാല്യു മാറിയത് 2022 ഫെബ്രുവരി വരെ പ്രോസിക്യൂഷന് അറിഞ്ഞില്ലേന്നും മൂന്നുവര്ഷത്തിനുശേഷമാണ് പ്രോസിക്യൂഷന് ആരോപണം ഉന്നയിക്കുന്നതെന്നും കോടതിയിൽ ദിലീപ് പറയുന്നു.
അതേസമയം ദൃശ്യങ്ങൾ ദിലീപിന്റെ കൈവശമുണ്ടെന്നും ആ ദൃശ്യങ്ങളടങ്ങിയ മെമ്മറി കാര്ഡ് രണ്ടുതവണ തുറക്കപ്പെട്ടെന്നും പ്രോസിക്യൂഷൻ ഹൈക്കോടതിയെ ബോധിപ്പിച്ചിരുന്നു. ഇക്കാര്യം സ്ഥിരീകരിക്കുന്ന ഫൊറന്സിക് റിപ്പോര്ട്ട് ഹൈക്കോടതിയില് സമര്പ്പിച്ചു.
Story Highlights: actress attack case survivor highcourt
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here