മുഖ്യമന്ത്രിയുടെ തിരുവനന്തപുരത്തെ പരിപാടിയില്‍ മാധ്യമ വിലക്ക്

തിരുവനന്തപുരം വിളപ്പില്‍ശാല ഇഎംഎസ് അക്കാദമിയിലെ മുഖ്യമന്ത്രിയുടെ പരിപാടിയില്‍ മാധ്യമങ്ങള്‍ക്ക് പ്രവേശനമില്ല. പാര്‍ട്ടി പരിപാടിയായതിനാല്‍ പ്രവേശനമില്ലെന്ന് അക്കാദമി അധികൃതര്‍ അറിയിച്ചു. മുഖ്യമന്ത്രിയുടെ ഓഫിസില്‍ നിന്ന് പരിപാടി മാധ്യമങ്ങളെ അറിയിച്ചിരുന്നു. ഇതനുസരിച്ച് എത്തിയ മാധ്യമപ്രവര്‍ത്തകരെ ഗേറ്റിനു പുറത്ത് പൊലീസ് തടയുകയായിരുന്നു.

പ്രതിഷേധ സാധ്യത കണക്കിലെടുത്ത് വന്‍ പൊലീസ് സന്നാഹമാണ് ഹാളിന് പുറത്ത് സജ്ജമാക്കിയിരുന്നത്. സമീപറോഡിലും പൊലീസ് ബാരിക്കേഡ് കെട്ടി ഗതാഗതം തടഞ്ഞിരുന്നു. നവകേരള ശില്‍പശാലയില്‍ പങ്കെടുക്കുന്നവരെ വാഹനങ്ങള്‍ മാത്രമേ അക്കാദമിക്ക് ഉള്ളിലേക്ക് കടത്തിവിടൂ എന്നും പൊലീസ് അറിയിച്ചു.

Story Highlights: media ban on pinarayi vijayan’s program in tvm