‘ആകാശത്തും ഭൂമിയിലും പ്രതിഷേധം ഒരുപോലെയാണ്’; മദ്യപിച്ചതുപോലെ പെരുമാറിയത് ഇ പി ജയരാജനെന്ന് വി ഡി സതീശൻ

വിമാനത്തിൽ പ്രതിഷേധിച്ചവർ മദ്യപിച്ചിരുന്നു എന്ന് പറഞ്ഞത് പച്ചക്കളമെന്ന് വി ഡി സതീശൻ. മദ്യപിച്ചതുപോലെ പെരുമാറിയത് ഇ പി ജയരാജനാണ്. മുഖ്യമന്ത്രിക്കെതിരെ സമരവുമായി മുന്നോട്ട് പോകുമെന്ന് പ്രതിപക്ഷ നേതാവ് വി ഡി സതീശന്‍. ആകാശത്തും ഭൂമിയിലും പ്രതിഷേധം ഒരുപോലെയാണ്. സിപിഐഎമ്മാണ് സംസ്ഥാനത്ത് ഭീകരപ്രവര്‍ത്തനം നടത്തുന്നതെന്നും വി ഡി സതീശന്‍ പറഞ്ഞു.(vd satheeshan against ep jayarajan)

വിമാനത്തിലെ പ്രതിഷേധത്തില്‍ അക്രമം നടത്തിയത് ഇ.പി ജയരാജനെന്ന് രമേശ് ചെന്നിത്തല. വധശ്രമത്തിന് കേസെടുക്കേണ്ടത് ജയരാജനെതിരെയാണെന്നും ‌അക്രമം നടത്തുന്നത് സിപിഐഎം ആണെന്നും ചെന്നിത്തല പറഞ്ഞു.

Read Also: കളിക്കളത്തിൽ മാത്രമല്ല സോഷ്യൽ മീഡിയയിലും താരം; ഇൻസ്റ്റഗ്രാമിലും റെക്കോർഡുകൾ തകർത്ത് വിരാട്…

മുഖ്യമന്ത്രിയുടെ പരിപാടി നടക്കുന്ന വിളപ്പിൽശാല ഇ എം എസ് അക്കാദമിയിലും വഴിയിൽ ഉടനീളവും കർശന സുരക്ഷയാണ് മുഖ്യമന്ത്രിക്ക് പൊലീസ് ഒരുക്കിയിട്ടുള്ളത്. ഇ എം എസ് അക്കാദമിയിലെ പരിപാടിയിൽ മാധ്യമങ്ങൾക്ക് പ്രവേശനമില്ല. ഇന്നത്തെ ആദ്യ പരിപാടി നടക്കുന്ന വിളപ്പിൽശാല ഇ എം എസ് അക്കാദമിയിലേക്ക് പോകുന്നതിനായി ക്ലിഫ് ഹൗസിൽ നിന്ന് ഇറങ്ങിയ മുഖ്യമന്ത്രിക്ക് നേരെ കറുത്ത സാരി ഉടുത്ത് മഹിളാ മോർച്ച പ്രവർത്തകർ പ്രതിഷേധവുമായി എത്തി. 10 ലധികം മഹിളാ മോർച്ച പ്രവർത്തകരെ പൊലീസ് അറസ്റ്റ് ചെയ്ത് നീക്കി.

Story Highlights: vd satheeshan against ep jayarajan