Advertisement

ജർമ്മനിയിൽ നിന്നൊരു ‘ആകാശമായവളേ’; വൈറലായി കാസ്മേയുടെ ആലാപനം

July 3, 2022
2 minutes Read
CassMae singing Akashamayavale song, Viral on Facebook
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ജയസൂര്യയെ നായകനാക്കി പ്രജേഷ് സെൻ സംവിധാനം ചെയ്‍ത വെള്ളം എന്ന ചിത്രത്തില്‍ അതിമനോഹരമായ ഒരു ഗാനമുണ്ട്. ബിജിബാൽ സംഗീതസംവിധാനം നിര്‍വഹിച്ച ആകാശമായവളേ എന്നുതുടങ്ങുന്ന ആ ഗാനത്തെ മലയാളികള്‍ ഹൃദയം കൊണ്ടാണ് സ്വീകരിച്ചത്. ഇപ്പോഴിതാ കടല്‍ കടന്ന് ജര്‍മ്മനിയിലുമെത്തിയിരിക്കുകയാണ് ഷഹബാസ് അമന്‍ പാടിയ ഈ ഗാനം. ( CassMae singing Akashamayavale song, Viral on Facebook )

ജര്‍മ്മന്‍ സിങ്ങറായ കാസ്മേ ആകാശമായവളേ പാടുന്ന വിഡിയോയാണ് സമൂഹമാധ്യമങ്ങളില്‍ വൈറലാവുന്നത്. യുട്യൂബിലൂടെ കേട്ടാണ് കാസ്മേ ഈ മലയാളഗാനം പഠിച്ചത്. കാസ്മേ പാടുന്ന വിഡിയോ കാണാനിടയായ ചില മലയാളികളാണ് വെള്ളം എന്ന ചിത്രത്തിന്‍റെ സംവിധായകനായ പ്രജേഷ് സെന്നിനോട് ഇക്കാര്യം പറഞ്ഞത്. അങ്ങനെയാണ് പ്രജേഷ് സെന്‍ ഫെയ്സ്ബുക്കില്‍ ഈ വിഡിയോ പങ്കുവെച്ചത്.

Read Also: ‘വെള്ളം’ കണ്ടശേഷം ചിലര്‍ക്കെങ്കിലുമുണ്ടായ മാറ്റമാണ് ആദ്യ അവാര്‍ഡ്; പുരസ്‌കാര നിറവില്‍ പ്രിയപ്പെട്ട താരങ്ങള്‍

ആകാശമായവളെ എന്ന പാട്ടിനെ ഭാഷയുടെ അതിര്‍വരമ്പുകള്‍ക്കപ്പുറം ആളുകള്‍ ഇഷ്ടപ്പെടുന്നുണ്ട് എന്നറിഞ്ഞതില്‍ സന്തോഷമുണ്ടെന്ന് സംവിധായകന്‍ പ്രജേഷ് സെൻ പറഞ്ഞു. ഗസൽ ഗായകനും സംഗീത സംവിധായകനുമായ ഷഹബാസ് അമൻ പാടിയ ഈ ഗാനം വളരെയധികം ശ്രദ്ധിക്കപ്പെട്ടിരുന്നു.

Story Highlights: CassMae singing Akashamayavale song, Viral on Facebook

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement