‘ലോക്കറിലുണ്ടായിരുന്ന ഒരു കോടി രൂപ ശിവശങ്കറിന് ലൈഫ്മിഷനില് ലഭിച്ച കമ്മിഷന്’; ആരോപണവുമായി സ്വപ്ന
ലൈഫ് മിഷന് പദ്ധതിയില് എം ശിവശങ്കര് കമ്മിഷന് വാങ്ങിയെന്ന ആരോപണവുമായി സ്വപ്ന സുരേഷ്. തന്റെ ലോക്കറിലുണ്ടായിരുന്ന ഒരു കോടിരൂപ എം ശിവശങ്കറുടെ കമ്മിഷന് പണമായിരുന്നെന്നാണ് സ്വപ്ന സുരേഷ് പറയുന്നത്. ലൈഫ് മിഷന് ഇടപാടിലെ കമ്മിഷന് വിവരങ്ങള് സിബിഐ സംഘത്തെ അറിയിച്ചിട്ടുണ്ട്. ലൈഫ് മിഷന് പദ്ധതി സന്തോഷ് ഈപ്പന് നല്കണമെന്ന് ക്ലിഫ് ഹൗസില് വച്ചുനടന്ന ഒരു ചര്ച്ചയിലാണ് തീരുമാനിച്ചത്. കരാറില് ഒപ്പിട്ടത് സെക്രട്ടറിയേറ്റില് വച്ചായിരുന്നെന്നും സ്വപ്ന മാധ്യമങ്ങളോട് പറഞ്ഞു. (swapna suresh says m sivashankar bought commission in life mission project)
ലൈഫ് മിഷനുമായി ബന്ധപ്പെട്ട യോഗത്തില് മുഖ്യമന്ത്രി, കോണ്സുല് ജനറല്, എം ശിവശങ്കര് എന്നിവര് പങ്കെടുത്തെന്നും സ്വപ്ന സുരേഷ് പറഞ്ഞു. ലൈഫ് മിഷന് കേസില് സ്വപ്ന സുരേഷ് ഇന്ന് സിബിഐക്ക് മുന്നില് ഹാജരായിരുന്നു.
കേസില് സരിത്തിനെ നേരത്തെ സിബിഐ ചോദ്യം ചെയ്തിരുന്നു. ലൈവ് മിഷന് പദ്ധതിയുടെ പേരില് 4.48 കോടി രൂപ സ്വപ്ന സുരേഷ് ഉള്പ്പെടെ ഉള്ളവര്ക്ക് കൈക്കൂലി നല്കി എന്ന് യുണിടക് എംഡി സന്തോഷ് ഈപ്പന് സമ്മതിച്ചിരുന്നു.
കേസില് സിബിഐ അന്വേഷണത്തിന് എതിരെ ലൈഫ് മിഷന് സിഇഒ യു.വി ജോസ്, സന്തോഷ് ഈപ്പന് എന്നിവര് സുപ്രിംകോടതിയെ സമീപിച്ചിരുന്നു. എന്നാല് അന്വേഷണവുമായി മുന്നോട്ടുപോകാന് കോടതി അനുമതി നല്കിയതിനെ തുടര്ന്നാണ് സിബിഐ വീണ്ടും അന്വേഷണം ആരംഭിച്ചത്.
Story Highlights: swapna suresh says m sivashankar bought commission in life mission project
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here