കെഎസ്ആർടിസി ബസ്സിന് മുമ്പിൽ ബൈക്ക് അഭ്യാസം; വിഡിയോ

തീക്കോയി ഈരാറ്റുപേട്ട റൂട്ടിൽ കെഎസ്ആർടിസി ബസ്സിന് മുമ്പിൽ ബൈക്ക് അഭ്യാസം. ബൈക്കിന്റെ മുൻചക്രം ഉയർത്തിയാണ് അഭ്യാസപ്രകടനം നടത്തിയത്. ആനിയിളപ്പ് മുതൽ നടക്കൽ വരെ ഈ അഭ്യാസം തുടർന്നതായി ബസ്സിൽ ഉണ്ടായിരുന്നവർ പറഞ്ഞു.

സ്‌കൂൾ വിദ്യാർത്ഥികളും മറ്റ് കാൽനട യാത്രക്കാരും വാഹന ഗതാഗതവും ഏറെയുള്ള റൂട്ടിൽ ആയിരുന്നു ഈ അഭ്യാസപ്രകടനം. കഴിഞ്ഞദിവസം തീക്കോയി പാലത്തിന് സമീപവും ഈ യുവാവ് അഭ്യാസപ്രകടനം നടത്തിയിരുന്നു.

ബസ്സിൽ ഉണ്ടായിരുന്നവർ ചിത്രീകരിച്ച വീഡിയോ ഈരാറ്റുപേട്ട പൊലീസിന് കൈമാറിയിട്ടുണ്ട്. സംഭവത്തിൽ ഈരാറ്റുപേട്ട പൊലീസ് അന്വേഷണം ആരംഭിച്ചു. മുൻപിലും പുറകിലും രണ്ട് നമ്പർ പ്ലേറ്റ് ഘടിപ്പിച്ചു എന്നാണ് വിവരം.

Story Highlights: bike rash driving before ksrtc bus video