Advertisement

മകളുടെ കാമുകനായ പത്താം ക്ലാസുകാരന്റെ ചെവി മുറിച്ചയാൾ അറസ്റ്റിൽ

July 19, 2022
1 minute Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

മകളുടെ കാമുകനായ പത്താം ക്ലാസുകാരനെ മർദ്ദിച്ച് ചെവി മുറിച്ചയാൾ പിടിയിൽ. അസമിലെ ടിൻസുകിയയിലാണ് സംഭവം. ആൺകുട്ടിയുടെ മാതാവ് നൽകിയ പരാതിയിലാണ് അറസ്റ്റ്. പെൺകുട്ടിയുടെ പിതാവ് കൗമാരക്കാരനെ കെട്ടിയിട്ട് മർദ്ദിക്കുകയും ഇരു ചെവികളും മുറിച്ചെടുക്കുകയുമായിരുന്നു.

പ്രായപൂർത്തിയാവാത്ത മകളും 10ആം ക്ലാസുകാരനുമായുള്ള പ്രണയബന്ധത്തെ പെൺകുട്ടിയുടെ പിതാവ് എതിർത്തിരുന്നു. ഇതിനിടെ തൻ്റെ വീട്ടിൽ കൗമാരക്കാരൻ മകളെ സന്ദർശിക്കാനെത്തിയത് ഇയാൾ കണ്ടു. തുടർന്ന് ആൺകുട്ടിയുടെ കയ്യും കാലും കെട്ടിയിട്ട ഇയാൾ കുട്ടിയെ ക്രൂരമായി മർദ്ദിച്ച് ചെവി മുറിയ്ക്കുകയായിരുന്നു. മോഷ്ടിക്കാനെത്തിയ ആളെന്ന അവകാശവാദവുമായി ഇയാൾ തന്നെയാണ് പൊലീസിനെ അറിയിച്ചത്. എന്നാൽ, കുട്ടിയെ പൊലീസ് ചോദ്യം ചെയ്തപ്പോൾ സത്യം പുറത്തറിയുകയായിരുന്നു. തുടർന്നായിരുന്നു അറസ്റ്റ്. കുട്ടിയുടെ ചെവി ഡോക്ടർമാർ തിരികെ തുന്നിച്ചേർത്തു.

Story Highlights: Man Chops Off Teen Ears Daughter Boyfriend

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement