എറണാകുളം ഡെപ്യൂട്ടി കളക്ടർക്കെതിരെ ഭൂമി തട്ടിപ്പ് ആരോപണവുമായി റവന്യൂ റിക്കവറി തഹസിൽദാർ
എറണാകുളം ഡെപ്യൂട്ടി കളക്ടർക്കെതിരെ ഭൂമി തട്ടിപ്പ് ആരോപണവുമായി റവന്യൂ റിക്കവറി തഹസിൽദാർ രംഗത്ത്. എഡിഎം ഷാജഹാനെതിരെയാണ് റവന്യൂ റിക്കവറി തഹസിൽദാർ വിനോദ് മുല്ലശ്ശേരി ലാൻഡ് റെവന്യൂ കമ്മീഷണർക്ക് പരാതി നൽകിയത്. ഭൂമി ഏറ്റെടുക്കൻ നഷ്ടപരിഹാരത്തുക നൽകുന്നതിൽ കൃത്രിമം കാണിക്കാൻ ഡെപ്യൂട്ടി കളക്ടർ ആവശ്യപ്പെട്ടു എന്നും തട്ടിപ്പിനു കൂട്ടുനിൽക്കാത്തതിനാൽ പ്രതികാര നടപടി എടുത്തെന്നുമാണ് പരാതി. ഒരു കോടി രൂപയ്ക്ക് പകരം രേഖകൾ മറച്ചുവച്ച് 4 കോടി രൂപ നൽകാൻ ആവശ്യപ്പെട്ടു. അംഗീകരിക്കാതെ വന്നപ്പോൾ രണ്ട് തവണ സ്ഥലം മാറ്റിയെന്നും പരാതിയിൽ പറയുന്നു. വ്യാജ കേസുകളുണ്ടാക്കി തൻ്റെ ഭാവി നശിപ്പിക്കാൻ ഡെപ്യൂട്ടി കളക്ടർ ശ്രമിച്ചു എന്നും പരാതിയിലുണ്ട്.
Story Highlights: ernakulam deputy collector land fraud
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here