ചേർത്തല നാൽപ്പത്തെണ്ണീശ്വരം ക്ഷേത്രത്തിൽ വെടിമരുന്നിന് തീപിടിച്ചു; മൂന്ന് പേർക്ക് പൊള്ളലേറ്റു

ചേർത്തല പാണാവള്ളി നാൽപ്പത്തെണ്ണീശ്വരം ക്ഷേത്രത്തിൽ വെടിമരുന്നിന് തീപിടിച്ചു. വെടിമരുന്ന് സൂക്ഷിച്ചകെട്ടിടവും അമ്പലത്തിന്റെ ഓഫീസും പൂർണമായി തകർന്നു. പൊള്ളലേറ്റ മൂന്ന് പേരെ നെട്ടൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.

അപകടത്തിൽ ഓഫീസ് അറ്റകുറ്റപ്പണിക്ക് എത്തിയ പാണാവള്ളി സ്വദേശികളായ രാജേഷ്, വിഷ്ണു, തിലകൻ എന്നിവർക്ക് പരിക്കേറ്റു. രണ്ടുപേരുടെ പരിക്ക് ഗുരുതരമാണ്. ഗ്രിൽ വെൽഡ് ചെയ്യുന്നതിനിടയിൽ തീപ്പൊരി ചിതറി കതിനയ്ക്ക് തീപിടിച്ചതാണ് അപകടകാരണം. ക്ഷേത്ര ഓഫീസിന് ഒരു മീറ്റർ അകലെയായിരുന്നു വെടിമരുന്ന് സൂക്ഷിച്ചിരുന്ന കെട്ടിടം.

Read Also: തിരുവല്ലയിൽ ബ്യൂട്ടി പാർലറിന് തീപിടിച്ചു

Story Highlights: fire in Nalpathaneeswaram Temple cherthala