യുഎസ് ഓപ്പൺ: കാമറൂൺ നോറിയെ വീഴ്ത്തി ആൻഡ്രി റൂബ്ലെവ് ക്വാർട്ടറിൽ

മൂന്നാം തവണയും യുഎസ് ഓപ്പൺ ക്വാർട്ടറിൽ പ്രവേശിച്ച് ആൻഡ്രി റൂബ്ലെവ്. ഒമ്പതാം സീഡായ റഷ്യൻ താരം 6-4, 6-4, 6-4 എന്ന സ്‌കോറിനാണ് കാമറൂൺ നോറിനെ പരാജയപ്പെടുത്തിയത്. ക്വാർട്ടർ ഫൈനലിൽ നാല് തവണ ചാമ്പ്യനായ റാഫേൽ നദാലിനെയോ അമേരിക്കയുടെ ഫ്രാൻസിസ് ടിയാഫോയെയോ റൂബ്ലെവ് നേരിടും.

2016-ൽ ആൻഡി മറെയ്ക്ക് ശേഷം പുരുഷ സിംഗിൾസിന്റെ ക്വാർട്ടർ ഫൈനലിലെത്തുന്ന ആദ്യ ബ്രിട്ടീഷ് താരമാകാനായിരുന്നു നോറിയുടെ ലക്ഷ്യം. എന്നാൽ മഴ തടസ്സപ്പെടുത്തിയ മത്സരത്തിൽ നോറിയെ 6-4, 6-4, 6-4 എന്ന സ്‌കോറിന് ആൻഡ്രി റൂബ്ലെവ് പരാജയപ്പെടുത്തി. മത്സരം 2 മണിക്കൂർ 26 മിനിറ്റ് നീണ്ടു നിന്നു. ലൂയിസ് ആംസ്ട്രോങ് കോർട്ടിൽ മഴയെ തുടർന്ന് നാലാം റൗണ്ട് മത്സരം അര മണിക്കൂർ വൈകി.

കാമറൂണും പരാജയപ്പെട്ടതോടെ ഗ്രേറ്റ് ബ്രിട്ടന്റെ എല്ലാ കളിക്കാരും ഈ വർഷത്തെ യുഎസ് ഓപ്പണിൽ സിംഗിൾസിൽ നിന്ന് പുറത്തായി. നേരത്തെ 2017ൽ ന്യൂയോർക്കിൽ നടന്ന ക്വാർട്ടർ ഫൈനലിൽ റുബ്ലെവ് നദാലിനോട് തോറ്റിരുന്നു. 2017, 2020 വർഷങ്ങളിൽ ന്യൂയോർക്കിൽ അവസാന എട്ടിൽ ഇടം നേടിയ റുബ്ലെവ്, തൻ്റെ മജേർ ടൂർണമെന്റിൽ കളിക്കുന്ന ആറാം ക്വാർട്ടർ ഫൈനലാണിത്.

Story Highlights: Andrey Rublev Downs Cameron Norrie To Reach Third US Open Quarter-final