കൊണ്ടോട്ടിയില്‍ ചേരിതിരിഞ്ഞ് ഏറ്റുമുട്ടി വിദ്യാര്‍ത്ഥികള്‍; കൂട്ടത്തല്ല്

മലപ്പുറം കൊണ്ടോട്ടിയില്‍ വിദ്യാര്‍ത്ഥികള്‍ തമ്മില്‍ കൂട്ടത്തല്ല്. കൊണ്ടോട്ടി ബസ്റ്റാന്റില്‍ ഇന്ന് വൈകിട്ടോടെയാണ് വിദ്യാര്‍ത്ഥികള്‍ ചേരിതിരിഞ്ഞ് ഏറ്റുമുട്ടിയത്. വിദ്യാര്‍ത്ഥികള്‍ തമ്മിലുള്ള വാക്കുതര്‍ക്കമാണ് സംഘര്‍ഷത്തിലേക്ക് എത്തിയത്. സംഭവത്തില്‍ ഇതുവരെ പരാതി ലഭിച്ചിട്ടില്ലെന്ന് പൊലീസ് അറിയിച്ചു.

വിദ്യാര്‍ത്ഥികളെല്ലാവരും പല സ്‌കൂളുകളില്‍ നിന്നുള്ളവരാണ്. സംഘര്‍ഷത്തിന്റെ വിഡിയോ ദൃശ്യങ്ങള്‍ പുറത്തുവന്നു. നാട്ടുകാരും ബസ് ജീവനക്കാരും ഇടപെട്ടാണ് വിദ്യാര്‍ത്ഥികളെ സ്ഥലത്ത് നിന്ന് നീക്കിയത്. ചില വിദ്യാര്‍ത്ഥികള്‍ക്ക് നിസാര പരുക്കേറ്റിട്ടുണ്ട്. പരാതി ലഭിച്ചാല്‍ കേസെടുക്കുമെന്ന് പൊലീസ് അറിയിച്ചു.

Story Highlights: Students clashed in kondotty bus stand