കോടിയേരിക്ക് ആദരാഞ്ജലി അര്‍പ്പിച്ച ബോര്‍ഡുകള്‍ നീക്കി; ന്യൂമാഹിയില്‍ സിപിഐഎം -പൊലീസ് തര്‍ക്കം

അന്തരിച്ച സിപിഐഎം സംസ്ഥാന സെക്രട്ടറിയും മുന്‍ മന്ത്രിയുമായിരുന്ന കോടിയേരി ബാലകൃഷ്ണന് ആദരാഞ്ജലി അര്‍പ്പിച്ച് സ്ഥാപിച്ച ബോര്‍ഡുകള്‍ നീക്കിയതില്‍ പ്രതിഷേധം. കണ്ണൂര്‍ ന്യൂ മാഹിയില്‍ സിപിഐഎം പ്രവര്‍ത്തകരും പൊലീസും തമ്മിലാണ് തര്‍ക്കം. സംഭവത്തില്‍ ന്യൂ മാഹി പൊലീസ് സ്റ്റേഷനില്‍ സിപിഐഎം പ്രവര്‍ത്തകര്‍ പ്രതിഷേധിക്കുകയാണ്.

കോടിയേരിക്കായി സ്ഥാപിച്ച ബോര്‍ഡുകള്‍ തകര്‍ത്തെന്നാണ് ആക്ഷേപം. തുടര്‍ന്ന് ബോര്‍ഡുകള്‍ പൊലീസ് തിരികെയത്തിച്ചു. സംഭവവുമായി ബന്ധപ്പെട്ട് ന്യൂമാഹി എസ്‌ഐ വിപിനെ സ്ഥലം മാറ്റിയേക്കുമെന്നാണ് വിവരം.

Story Highlights: Boards paying tribute to Kodiyeri was removed at New Mahe