അന്താരാഷ്ട്ര ഫുട്ബോൾ മാമാങ്കത്തിന് വീണ്ടും വേദിയായി ഇന്ത്യ; അണ്ടർ 17 വനിതാ ലോകകപ്പിന് ഇന്ന് തുടക്കം

അന്താരാഷ്ട്ര ഫുട്ബോൾ മാമാങ്കത്തിന് വീണ്ടും വേദിയായി ഇന്ത്യ. 17 വയസിന് താഴെയുളള പെൺകുട്ടികളുടെ ലോകകപ്പാണ് ഇന്ന് ആരംഭിക്കുന്നത്. ആതിഥേയരായ നമ്മൾ ഇന്ന് അമേരിക്കയെയാണ് നേരിടുന്നത്. ( Under-17 Women’s World Cup begins today ).

കാത്തിരിപ്പിനും അനിശ്ചിതത്വങ്ങൾക്കുമോടുവിലാണ് രാജ്യത്ത് വീണ്ടും കാൽപ്പന്താരവം വരുന്നത്. കൊവിഡ് പ്രതിസന്ധിയും, ഫിഫയുടെ വിലക്കും മറികടന്നാണ് ഇന്ന് അണ്ട‍ർ 17 വനിതകളുടെ ലോകകപ്പിൽ പന്തുരുളുന്നത്. 16 ടീമുകൾ മൂന്ന് വേദികളിലായി ലോകകിരീടത്തിനായി മത്സരിക്കും.

Read Also: ഫുട്ബോൾ മത്സരത്തിനിടെ കലാപം: മരിച്ചവരുടെ എണ്ണം 174 ആയി

ബ്രസീലും അമേരിക്കയും അടങ്ങുന്ന ​ഗ്രൂപ്പിലാണ് ഇന്ത്യയുളളത്. ഇന്ന് നടക്കുന്ന ആദ്യ മത്സരത്തിൽ വൈകീട്ട് 4.30ന് ബ്രസീൽ മോറോക്കോയെ നേരിടും. ഇതേ സമയത്ത് തന്നെ ന്യൂസീലൻഡ് ചിലയെ നേരിടും. ഇന്ത്യയുടെ ആദ്യ മത്സരം രാത്രി 8 മണിക്ക് കരുത്തരായ അമേരിക്കയ്ക്കെതിരെയാണ്.

ആതിഥേയരെന്ന നിലയിലാണ് ഇന്ത്യ ലോകകപ്പിൽ പന്ത് തട്ടുന്നത്. ഇന്ത്യ അടങ്ങുന്ന ​ഗ്രൂപ്പ് എ യിലെ മത്സരങ്ങൾ ഓഡീഷയിലെ കലിംങ്ക സ്റ്റേഡിയത്തിലും, ​ഗ്രൂപ്പ് ബിയിലെ മത്സരങ്ങൾ ​ഗോവ ഫട്ടോ‍‍‍ർഡ സ്റ്റേഡിയത്തിലും, ​ഗ്രൂപ്പ് സി യിലെ മത്സരങ്ങൾ മുംബൈ ഡി വൈ പാട്ടീൽ സ്റ്റേഡിയത്തിലും നടക്കും. ഓക്ടോബ‍‍‍‍‍‍ർ 30ന് മുംബൈയിലാണ് ഫൈനൽ.

Story Highlights: Under-17 Women’s World Cup begins today