യു.എ.ഇയിൽ കൊവിഡ്​ നിയന്ത്രണങ്ങളിൽ വീണ്ടും ഇളവ്​

നിലവിലുള്ള ഒട്ടുമിക്ക കൊവിഡ്​ നിയന്ത്രണങ്ങളും ഒഴിവാക്കിയതായി യു.എ.ഇ. തിങ്കളാഴ്ച മുതൽ നിയന്ത്രണം നീക്കിയത്​ നിലവിൽ വരുമെന്ന്​ സർക്കാർ വക്​താവ്​ പത്ര സമ്മേളനത്തിൽ അറിയിച്ചു. രാജ്യത്തെ പകർച്ചവ്യാധി സാഹചര്യം വിലയിരുത്തിയ ശേഷമാണ്​ സുപ്രധാന തീരുമാനം പ്രഖ്യാപിച്ചിട്ടുള്ളത്​. പൊതു സ്ഥലങ്ങളിലേക്കും പരിപാടികളിലും പ്രവേശിക്കുന്നതിന് ഗ്രീൻ പാസ് ആവശ്യമില്ലെന്നും വ്യക്തമാക്കിയിട്ടുണ്ട്​.

ആരോഗ്യ കേന്ദ്രങ്ങളിലും ഭിന്നശേഷിക്കാർക്കുള്ള സ്ഥാപനങ്ങളിലും മാത്രമാണ്​ മാസ്ക്​ ധരിക്കേണ്ടതുള്ളൂ. പൊതു സ്ഥലങ്ങളിലും ഗതാഗത സൗകര്യങ്ങളിലും ആരാധനാലയങ്ങളിലും പള്ളികളിലും ഇനി മാസ്കുകൾ ആവശ്യമില്ല.

അതേസമയം കൊവിഡ്​ ബാധിച്ചവർ അഞ്ചുദിവസം ഐസൊലേഷനിൽ കഴിയണമെന്ന നിബന്ധനക്ക്​ മാറ്റമില്ലെന്നും ദേശീയ അടിയന്തര ദുരന്ത നിവാരണ സമിതി അറിയിച്ചു.

Read Also: യു.എ.ഇയിൽ വിസ കാലാവധി കഴിഞ്ഞാൽ ദിവസവും 50 ദിർഹം പിഴ

Story Highlights: UAE again relaxed COVID-19 restrictions