ഐ ലീഗ് ഫുട്ബോൾ; ഐസോളിനെ തകർത്ത് ഗോകുലം കേരള എഫ് സി

ഐ ലീഗ് ഫുട്ബോളിലെ രണ്ടാമത്തെ മത്സരത്തിലും വിജയം തുടർന്ന് ഗോകുലം കേരള എഫ് സി. ഐസോൾ എഫ് സിക്കെതിരെ എതിരില്ലാത്ത ഒരു ഗോളിനാണ് ഗോകുലത്തിന്റെ വിജയം. 87ാം മിനിറ്റിൽ പകരക്കാരനായിറങ്ങിയ താഹിർ സമാന്റെ ​ഗോളിന്റെ പിൻബലത്തിലാണ് ​ഗോകുലം വിജയതീരത്തെത്തിയത്.

Read Also: ഐ ലീഗ് പോയിന്റ് പട്ടികയിൽ ഗോകുലം കേരള വീണ്ടും ഒന്നാമത്; തകർത്തത് ഇന്ത്യൻ ആരോസിനെ

​ഗോകുലത്തിന്റെ ആദ്യ എവേ മത്സരമായിരുന്നു ഇത്. മലപ്പുറം പയ്യനാട് സ്റ്റേഡിയത്തിൽ നടന്ന ആദ്യ മത്സരത്തിലും ​ഗോകുലം വിജയിച്ചിരുന്നു. മൊഹമ്മദൻസിനെ എതിരില്ലാത്ത ഒരു ​ഗോളിനാണ് അന്നും തകർത്തത്. കഴിഞ്ഞ മത്സരത്തിലെ പ്ലയിം​ഗ് ഇലവനെ തന്നെയാണ് ​ഗോകുലം ഇത്തവണയും കളത്തിലിറക്കിയത്.

വിജയത്തോടെ ആറ് പോയിന്റുമായി ഒന്നാം സ്ഥാനത്താണ് ​ഗോകുലം. തുടർച്ചയായി മൂന്നാം ഐലീ​ഗ് കിരീടം ലക്ഷ്യമിടുന്ന ​ഗോകുലത്തിന്റെ ആത്മവിശ്വാസം ഉയർത്തുന്ന ജയം തന്നെയായിരുന്നു ഇന്നത്തേത്. നവംബർ 22ന് നടക്കുന്ന അടുത്ത മത്സരത്തിൽ ​ഗോകുലം റിയൽ കശ്മീരിനെ നേരിടും.

Story Highlights: I League Football; Gokulam Kerala FC beat Aizawl