ഇം​ഗ്ലണ്ടിനെതിരെ ഒരു ​ഗോൾ മടക്കി ഇറാൻ; ഇം​ഗ്ലണ്ട് 5 – ഇറാൻ – 1

2022 ഖത്തർ ലോകകപ്പിന്റെ രണ്ടാം ദിനത്തിലെ ആദ്യമത്സരത്തിൽ ഇം​ഗ്ലണ്ടിനെതിരെ ഒരു ​ഗോൾ മടക്കി ഇറാൻ. നാലാം ​ഗോളും നേടി ഇം​ഗ്ലണ്ട് മുന്നേറ്റം തുടരുന്നതിനിടെയാണ് കളിയുടെ ​ഗതിക്ക് വിപരീതമായി ഇറാന്റെ ​ഗോൾ പിറന്നത്. മത്സരത്തിന്റെ 65-ാം മിനിറ്റിൽ ഇറാൻ മുന്നേറ്റ നിരയിലെ മിന്നുംതാരം മെഹ്ദി തെരേമിയാണ് ​ഗോൾ നേടിയത്. 62-ാം മിനിറ്റിലായിരുന്നു ഇം​ഗ്ലണ്ടിന്റെ നാലാം ​ഗോൾ. ഇം​ഗ്ലണ്ടിനായി രണ്ടാം​ഗോൾ നേടിയ സാക്കെയാണ് നാലാം ​ഗോളും സ്വന്തമാക്കിയത്. പകരക്കാരനായി കളത്തിലെത്തിയ റാഷ്ഫോൾഡ് 70ാം മിനിറ്റിൽ ഇം​ഗ്ലണ്ടിന്റെ ​ഗോൾനില 5-1 ആക്കി ഉയർത്തി.

കളിയുടെ 35-ാം നിമിറ്റിൽ ഇം​ഗ്ലണ്ടിന് വേണ്ടി ജൂഡ് ബെല്ലിം​ഗ്ഹാം ആണ് ആദ്യ ​ഗോൾ നേടിയത്. ഇം​ഗ്ലണ്ടിന്റെ പ്രതിരോധ നിര താരം ലൂക്ക് ഷായുടെ അസിസ്റ്റിൽ നിന്നായിരുന്നു ​ഗോൾ. 43ാം മിനിറ്റിൽ ലഭിച്ച കോൺണർ കിക്ക് മുതലാക്കി സാക്കെയാണ് രണ്ടാം ​ഗോൾ നേടിയത്. അധികം വൈകാതെ തന്നെ മൂന്നാം ​ഗോളും പിറന്നു. ആദ്യ പകുതിയുടെ എക്സ്ട്രാ ടൈമിൽ ഹാരി കെയിൻ നൽകിയ മനോഹര പാസ് പോസ്റ്റിലേക്ക് തിരിച്ചുവിടുകയായിരുന്നു റഹീം സ്റ്റെർളിങ്. മത്സരത്തിന്റെ ആരംഭത്തിൽ ഇം​ഗ്ലണ്ട് മുന്നേറ്റങ്ങൾ സമർത്ഥമായി തട‍ഞ്ഞ ഇറാൻ പ്രതിരോധത്തെ തകർക്കുന്നതായിരുന്നു ഈ മൂന്ന് ​ഗോളുകളും.

മത്സരത്തിന്റെ തുടക്കം മുതൽ ആക്രമിച്ച് കളിച്ച ഇം​ഗ്ലണ്ടിന്റെ ആത്മവിശ്വാസത്തെ ഒന്നുകൂടി വർധിപ്പിക്കുന്നതായിരുന്നു ആദ്യ ​ഗോൾ. ആ ​ഗോളിന്റെ ആത്മവിശ്വാസത്തിൽ പിന്നീട് കളിച്ച ഇം​ഗ്ലണ്ട് തുടരെ രണ്ട് ​ഗോളുകൽ നേടുകയായിരുന്നു. 79 ശതമാനം ബോൾ പൊസിഷനും ആദ്യ പകുതിയിൽ ഇം​ഗ്ലണ്ടിനായിരുന്നു. ഇറാനെ തോൽപിച്ച് ഖത്തറിൽ വരവറിയിക്കാനാണ് ഇംഗ്ലണ്ട് ഒരുങ്ങുന്നത്.

Story Highlights : World Cup Qatar 2022 Iran returned a goal against England