‘ഓപ്പറേഷന് ഓയില്’ ഒരാഴ്ച കൊണ്ട് നടത്തിയത് 426 പരിശോധനകള്
വെളിച്ചെണ്ണയുടെ ഗുണ നിലവാരം ഉറപ്പാക്കുന്നതിനായി ഭക്ഷ്യ സുരക്ഷാ വകുപ്പിന്റെ നേതൃത്വത്തതില് ആവിഷ്ക്കരിച്ച ഓപ്പറേഷന് ഓയിലിന്റെ ഭാഗമായി 426 സ്ഥാപനങ്ങള് പരിശോധിച്ചതായി ആരോഗ്യ മന്ത്രി വീണാ ജോര്ജ്. നിയമ നടപടികള്ക്കുളള പരിശോധനയ്ക്കായി 184 സ്റ്റാറ്റിയൂട്ടറി സാമ്പിളുകള് ശേഖരിച്ചയച്ചു. കൂടാതെ 98 സര്വൈലന്സ് സാമ്പിളുകളും ശേഖരിച്ച് അനലിറ്റിക്കല് ലബോറട്ടറിയിലേക്ക് അയച്ചു.
വാളയാര്, ഗോപാലപുരം തുടങ്ങിയ ചേക്ക് പോസ്റ്റുകള് കേന്ദ്രീകരിച്ചും പരിശോധന നടത്തി സാമ്പിളുകള് ശേഖരിച്ചു. നിലവാരമില്ലാത്ത വെളിച്ചെണ്ണ വില്പ്പന നടത്തുന്നവര്ക്കെതിരെ കര്ശന നിയമ നടപടികള് സ്വീകരിക്കുന്നതാണെന്നും മന്ത്രി വ്യക്തമാക്കി.
മായം ചേര്ത്ത വെളിച്ചെണ്ണയുടെ വില്പ്പന തടയുന്നതിന്റെ ഭാഗമായി കേരളത്തില് ഒരു നിര്മ്മാതാവിന് ഒരു ബ്രാന്ഡ് മാത്രമെ അനുവാദം നല്കിയിട്ടുളളു. ബ്രാന്ഡ് രജിസ്ട്രഷന് ഇല്ലാത്ത വെളിച്ചെണ്ണയുടെ വില്പ്പന ശ്രദ്ധയില്പ്പെട്ടാല് പിടിച്ചെടുത്ത് നിയമ നടപടി സ്വീകരിക്കുന്നതാണ്. ഭക്ഷ്യ സുരക്ഷാ വകുപ്പിന്റെ പരിശോധന വരും ദിവസങ്ങളിലും തുടരുന്നതാണ്.
Story Highlights: ‘Operation Oil’ conducted 426 tests in a week
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here