എണ്ണ, എണ്ണയിതര വരുമാനത്തിൽ വർധനവ്; സൗദിയുടെ സമ്പദ് വ്യവസ്ഥ ഈ വർഷം മൂന്നാം പാദത്തിലും നേട്ടം കൈവരിച്ചു

സൗദിയുടെ സമ്പദ് വ്യവസ്ഥ ഈ വർഷം മൂന്നാം പാദത്തിലും നേട്ടം കൈവരിച്ചു. കഴിഞ്ഞ വർഷത്തെ മൂന്നാം പാദത്തെ അപേക്ഷിച്ച് 8.8% വളർച്ചയാണ് സമ്പദ് വ്യവസ്ഥ കൈവരിച്ചിരിക്കുന്നത്.

ജനറൽ അതോറിറ്റി ഫോർ സ്റ്റാറ്റിസ്റ്റിക്‌സ് പുറത്തിറക്കിയ പുതിയ റിപ്പോർട്ടിലാണ് ഇക്കാര്യം വ്യക്തമാക്കുന്നത്. എണ്ണ വരുമാനത്തിലും എണ്ണയിതര വരുമാനത്തിലും ഒരുപോലെയുണ്ടായ വർധനവാണ് ഈ നേട്ടത്തിനു കാരണം. ജൂലൈ മുതൽ സെപ്തംബർ അവസാനം വരെയുള്ള മൂന്നാം പാദത്തിലാണ് സൗദി സമ്പദ്വ്യവസ്ഥ ഈ നേട്ടം കരസ്ഥമാക്കിയത്.

Read Also: സൗദിയിൽ ശൈത്യം കടുത്തു; കാലാവസ്ഥാ വ്യതിയാനം മൂലമുണ്ടാകുന്ന രോഗങ്ങള്‍ വർധിക്കുമെന്ന് ആരോഗ്യ മന്ത്രാലയം

ഈ പാദത്തിൽ രാജ്യത്തിന്റെ മൊത്ത ആഭ്യന്തര ഉൽപ്പാദനം 2.1% നേട്ടം കൈവരിച്ചു. കൊവിഡ് കാലത്തെ മന്ദഗതിക്ക് ശേഷം തുടർച്ചയായ ആറാം പാദത്തിലും രാജ്യത്തെ സാമ്പത്തിക മേഖല കൈവരിച്ചത് മികച്ച നേട്ടമാണ്.

Story Highlights: Saudi arabia economy has gained