ഡി.കെ.ശിവകുമാർ ചെയർമാനായ കോളജിൽ സിബിഇ റെയ്ഡ്

കർണാടക കോൺഗ്രസ് അധ്യക്ഷൻ ഡി.കെ.ശിവകുമാർ നടത്തുന്ന കോളജിൽ സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ (സിബിഐ) റെയ്ഡ് നടത്തി. തിങ്കളാഴ്ച കോളജ് അധികൃതരെ കേന്ദ്ര അന്വേഷണ ഏജൻസി ചോദ്യം ചെയ്തതായി വൃത്തങ്ങൾ അറിയിച്ചു. ബെംഗളൂരുവിൽ സ്ഥിതി ചെയ്യുന്ന ഗ്ലോബൽ അക്കാദമി ഓഫ് ടെക്‌നോളജി എന്ന വിദ്യാഭ്യാസ സ്ഥാപനത്തിന്റെ ചെയർമാനാണ് ശിവകുമാർ.

ശിവകുമാറിന്റെ മകൾ ഡി.കെ.എസ് ഐശ്വര്യ കോളജിന്റെ ട്രസ്റ്റി സെക്രട്ടറിയും ഭാര്യ കോളജിന്റെ ട്രസ്റ്റിൽ അംഗവുമാണ്. കള്ളപ്പണം വെളുപ്പിക്കൽ കേസിൽ കോൺഗ്രസിന്റെ കർണാടക മേധാവിയെ എൻഫോഴ്‌സ്‌മെന്റ് ഡയറക്ടറേറ്റ് (ഇഡി) ചോദ്യം ചെയ്തതിന് രണ്ട് മാസത്തിന് ശേഷമാണ് പുതിയ നടപടി.

Story Highlights: CBI raids college run by Karnataka Congress chief DK Shivakumar