വിസിറ്റ് വിസയില്‍ എത്തിയ മലപ്പുറം സ്വദേശിനി ജിദ്ദയിൽ മരണമടഞ്ഞു

വിസിറ്റ് വിസയില്‍ എത്തിയ മലപ്പുറം സ്വദേശിനി ജിദ്ദയിൽ മരണമടഞ്ഞു. മലപ്പുറം മങ്കടകൂട്ടിൽ സ്വദേശി പിലാക്കൽ ഹമീദിന്റെ ഭാര്യ ഷിഫാനത്താണ് (47) ജിദ്ദ യിൽ വെച്ച് മരണപ്പെട്ടത്. ജിദ്ദയിൽ കിങ് അബ്ദുൽ അസിസ് ആശുപത്രിയിൽ ഹൃദയ സംബന്ധമായ അസുഖത്തെ തുടർന്ന് ചികിത്സയിൽ ആയിരിക്കെയാണ് മരണം സംഭവിച്ചത്.

നവംബർ 28-ന് മകളുടെ കൂടെ സന്ദർശക വിസയിൽ എത്തി മക്ക മദീന സന്ദർശ നത്തിനു ശേഷം നാട്ടിലേക്ക് മടങ്ങാനിരിക്കുകയായിരുന്നു. ഈമാസം 17 ന് ആശുപത്രിയിൽ പ്രവേശിപ്പിക്കുകയും 26-ന് മരണം സംഭവിക്കുകയും ചെയ്തു. ഖബറടക്കം ജിദ്ദ അയ്യ ഫൈഹ മസ്ജിദിൽ വെച്ച് നടന്നു . ഖബറടക്കവുമായി ബന്ധപ്പെട്ട നടപടികൾക്ക് ജിദ്ദ കെഎംഎംസിസി വെൽഫെയർ വിംഗ് നേതൃത്വം നൽകി.

Story Highlights: Malappuram Native death at Jidda