ഒരു കാലത്ത് സിനിമയിലെ ജൂനിയർ ആർട്ടിസ്റ്റ്; ഇന്ന് കാൻസർ ബാധിതയായി സൂമനസുകളുടെ സഹായം തേടുന്നു; വിമലയ്ക്ക് വേണം നമ്മുടെ കൈത്താങ്ങ്

പതിനഞ്ചോളം സിനിമകളിൽ ജൂനിയർ ആർട്ടിസ്റ്റായി അഭിനയിച്ച സിനിമാതാരം സുമനസ്സുകളുടെ സഹായം തേടുന്നു. കാൻസർ ബാധിതയായ വിമലയാണ് ഗുരുതര വൃക്ക രോഗവുമായി പൊരുതുന്ന മകളുടെ ചികിത്സയ്ക്കായി സഹായം തേടുന്നത്. ( malayalam juinor artist vimala seeks financial help )

മകളെ ജീവിതത്തിലേയ്ക്ക് തിരിച്ച് പിടിക്കാനുള്ള ഓട്ടത്തിലാണ് ഈ അമ്മ. എറണാകുളം മാലിപ്പുറം സെന്റ്. ജോർജ് പള്ളിക്ക് സമീപമുള്ള വാടക വീട്ടിലാണ് വിമലയും കുടുംബവും താമസിക്കുന്നത്.ഭർത്താവ് മരിച്ചിട്ട് വർഷങ്ങളായി. മകൾ ശ്രീവിദ്യ ഏഴ് കൊല്ലമായി വൃക്കരോഗബാധിതയാണ്. ഡയാലിസിസടക്കം ചികിത്സ നടത്തുന്നുണ്ടെങ്കിലും ശസ്ത്രക്രിയക്കായി ഇരുപത്തിമൂന്ന് ലക്ഷം രൂപ വേണം. ചികിത്സാ സഹായമായി ഹൈബി ഈഡൻ എം. പി. നൽകിയ മൂന്ന് ലക്ഷം രൂപ മാത്രമാണ് ഇപ്പോൾ കയ്യിൽ ഉള്ളത്.

വിമല കഴിഞ്ഞ മുപ്പത് വർഷമായി വാടക വീട്ടിലാണ് താമസം. അർബുദം ബാധിച്ചതിന് പുറമെ മകളുടെ രോഗം കൂടിയായതോടെ ജോലി ഉപേക്ഷിക്കേണ്ടി വന്നു. ഇപ്പോൾ ജീവിക്കാൻ എന്ത് ചെയ്യണമെന്നറിയാതെ നിൽപ്പാണ് .

Vimala Narayanan
account no.40736101043774
IFSC . KLGB0040736
kerala gramin bank
malipuram po
pin 682511

Story Highlights: malayalam juinor artist vimala seeks financial help