അജ്മാനിൽ ഈ മാസം മുതൽ പുതിയ ബസ് നിരക്ക്

പുതിയ ബസ് നിരക്കുകൾ പ്രഖ്യാപിച്ച് അജ്മാൻ ട്രാൻസ്പോർട്ട് അതോറിറ്റി. ഈ മാസം 23 മുതൽ ഏകീകരിച്ച ബസ് നിരക്കുകൾ പ്രാബല്യത്തിൽ വരും. മസാർ കാർഡ് ഉപയോ​ഗിച്ചോ, നേരിട്ട് പണം നൽകിയോ ബസ് ടിക്കറ്റ് എടുക്കാം. ( ajman new bus fare from jan 23 )

ദുബായിലേക്ക് പോകുന്ന ബസുകളിൽ ഒഴികെ മറ്റ് ബസുകളിലെല്ലാം നിരക്ക് പുതുക്കിയിട്ടുണ്ട്. ഈ നിരക്ക് ജനുവരി 23 മുതൽ പ്രാബല്യത്തിൽ വരും. നിലവിൽ ബസ് നിരക്ക് മസാർ കാർഡ് വഴി നൽകിയാൽ 3 ദിർഹവും, പണമായി നൽകിയാൽ 5 ദിർഹവുമാണ്.

പബ്ലിക് ബസുകളിൽ പണമിടപാടിനായി ഉപയോ​ഗിക്കുന്ന കാർഡാണ് മസ്സാർ കാർഡ്. ഓൺലൈൻ വഴിയും ബസ് സ്റ്റേഷനുകളിലൂടെയും മസാർ കാർഡുകൾ റീചാർജ് ചെയ്യാം. മസാർ കാർഡ് ഉപയോ​ഗിക്കുന്ന വിദ്യാർത്ഥികൾക്ക് ഇന്നലെ അധികൃതർ 30 ശതമാനം ഡിസ്കൗണ്ട് പ്രഖ്യാപിച്ചിരുന്നു.

www.ta.gov.ae എന്ന വെബ്സൈറ്റ് വഴി മസാർ കാർഡിന് അപേക്ഷിക്കാം.

Story Highlights: ajman new bus fare from jan 23