പൊലീസിനെ ആക്രമിക്കാൻ ശ്രമം; തമിഴ്നാട്ടിൽ പ്രതികൾക്കു നേരെ വെടിയുതിർത്ത് പൊലീസ്

തമിഴ്നാട് ശ്രീപെരുമ്പത്തൂരിൽ പൊലീസ് വെടിവെയ്പ്പ്. പീഡനക്കേസിലെ പ്രതികൾക്കു നേരെയാണ് പൊലീസ് വെടിവച്ചത്. രക്ഷപെടാൻ ശ്രമിച്ച തിരുവള്ളൂര്‍ സ്വദേശികളായ നാഗരാജ്, പ്രകാശ് എന്നിവരുടെ കാലിൽ പൊലീസ് വെടിവെക്കുകയായിരുന്നു.

തെളിവെടുപ്പിനിടെ പൊലീസിനെ ആക്രമിച്ച് രക്ഷപ്പെടാന്‍ പ്രതികള്‍ ശ്രമിച്ചപ്പോഴായിരുന്നു വെടിവെപ്പ്. ബൈക്കില്‍ നിന്ന് നാടന്‍ തോക്കെടുത്ത് പൊലീസിന് നേരെ വെടിവെക്കാനായിരുന്നു പ്രതികളുടെ ശ്രമം. തുടര്‍ന്ന് ഇരുവരുടെയും കാലിന് നേരെ വെടിവെച്ച് പ്രതികളെ പൊലീസ് കീഴ്‍പ്പെടുത്തി. നിരവധി പീഡന കേസുകളിലെ പ്രതികളാണ് ഇരുവരും.

Story Highlights: Police opened fire on accused in Tamil Nadu