‘ഇന്ത്യയും ശ്രീലങ്കയും തമ്മിൽ ശക്തമായ പങ്കാളിത്തം’; എസ് ജയശങ്കറുമായി കൂടിക്കാഴ്ച നടത്തി ശ്രീലങ്കൻ പ്രതിപക്ഷ നേതാവ്

വിദേശകാര്യ മന്ത്രി എസ് ജയശങ്കറുമായി കൂടിക്കാഴ്ച നടത്തി ശ്രീലങ്കൻ പ്രതിപക്ഷ നേതാവ് സജിത്ത് പ്രേമദാസ. ഇന്ത്യയും ശ്രീങ്കയും തമ്മിൽ ശക്തമായ പങ്കാളിത്തമാണെന്നും തുടർന്നു ഈ ബന്ധം മുന്നോട്ട് പോകുമെന്നാണ് പ്രത്യാശിക്കുന്നതെന്നും അദ്ദേഹം ട്വിറ്ററിൽ കുറിച്ചു. ( Sajith Premadasa meets S Jaishankar )

ഇന്ന് വൈകീട്ടായിരുന്നു വിദേശകാര്യ മന്ത്രി എസ് ജയശങ്കറും ശ്രീലങ്കൻ പ്രതിപക്ഷ നേതാവും സമാദി ജന ബലവേഗയ പാർട്ടി നേതാവുമായ സജിത് പ്രേമദാസയുമായുള്ള കൂടിക്കാഴ്ച. ഇതിന് പിന്നാലെയായിരുന്നു നേതാവിന്റെ ട്വീറ്റ്.

‘എസ് ജയശങ്കറെ കണ്ടതിൽ വലിയ സന്തോഷം. ഇന്ത്യയും ശ്രീലങ്കയും തമ്മിൽ ശക്തമായ പങ്കാളിത്തമാണ് ഉള്ളതെന്ന് ഈ കൂടിക്കാഴ്ചയോടെ മനസിലായി. തുടർന്നും ഈ ബന്ധം മുന്നോട്ട് പോകുമെന്നാണ് പ്രത്യാശിക്കുന്നു’- സജിത് പ്രേമദാസ കുറിച്ചതിങ്ങനെ.

Story Highlights: Sajith Premadasa meets S Jaishankar