തൊണ്ടി മറിച്ചുവിറ്റ പൊലീസുകാരെ അന്വേഷണം പൂർത്തിയാക്കും മുൻപെ തിരിച്ചെടുത്തു

കോടതി നശിപ്പിക്കാൻ ഏൽപ്പിച്ച ലഹരി വസ്തുക്കൾ മറിച്ചുവിറ്റ 2 പൊലീസ് ഉദ്യോഗസ്ഥരെ തിരിച്ചെടുത്തു. കോട്ടയ്ക്കൽ പൊലീസ് റജിസ്റ്റർ ചെയ്ത കേസിലെ 2 പൊലീസ് ഉദ്യോഗസ്ഥരെയാണ് ഉത്തരമേഖല ഐജി തിരിച്ചെടുത്തത്.

എഎസ്ഐ സി.ടി. രജീന്ദ്രൻ, സിപിഒ. ഷാജി അലക്സാണ്ടർ എന്നിവരെ പാലക്കാട് ജില്ലയിൽ നിയമിച്ചുകൊണ്ടാണ് ഉത്തരവിട്ടത്. ഇരുവർക്കും എതിരെയുള്ള വിജിലൻസ് അന്വേഷണം പൂർത്തിയാകും മുൻപെയാണ് തിരിച്ചെടുക്കൽ.

Story Highlights: Police officers taken back to service