കുവൈറ്റിലെ അൽ-അദാനിലെ മദ്യ ഫാക്ടറിയിൽ റെയ്ഡ്; പിടികൂടിയത് 55 ബാരൽ അസംസ്കൃത വസ്തുക്കൾ

കുവൈറ്റ് മുനിസിപ്പാലിറ്റിയുടെ മുബാറക് അൽ-കബീർ ഗവർണറേറ്റ് ബ്രാഞ്ചിന്റെ നേതൃത്വത്തിൽ അൽ-അദാനിലെ മദ്യ ഫാക്ടറിയിൽ റെയ്ഡ് നടത്തി. ആഭ്യന്തര മന്ത്രാലയത്തിന്റെ സഹകരണത്തോടെ നടന്ന റെയ്ഡിൽ മദ്യം നിർമ്മിക്കാൻ ഉപയോഗിക്കുന്ന 355 ബാരൽ അസംസ്കൃത വസ്തുക്കൾ പിടികൂടി. അൽ-അദാനിലെ ഒരു വീട് കേന്ദ്രീകരിച്ച് മദ്യനിർമ്മാണം നടക്കുന്നതായി രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തിലായിരുന്നു അപ്രതീക്ഷിത റെയ്ഡ്.

Read Also: കുവൈറ്റ് നാഷണൽ ഗാർഡ് റിക്രൂട്ട്മെന്റ് നടപടികൾക്ക് കൊച്ചിയിൽ തുടക്കം

ഫെബ്രുവരി 6നും കുവൈറ്റിലെ ഒരു മദ്യ ഫാക്ടറിയിൽ റെയ്ഡ് നടത്തിയിരുന്നു. അന്ന് നടന്ന പരിശോധനയിൽ മൂന്ന് പേരാണ് പിടിയിലായത്. വഫ പ്രദേശത്താണ് പരിശോധന നടത്തിയത്. 146 ഫെർമെന്റേഷൻ ബാരലുകൾ, 2 ഡിസ്റ്റിലേഷൻ ടാങ്കുകൾ, വിൽപ്പനയ്ക്ക് തയ്യാറായ 270 കുപ്പി മദ്യം എന്നിവയാണ് അന്ന് കണ്ടെത്തിയിരുന്നത്.

Story Highlights: Raid on liquor factory in AL ADAN Kuwait