“എന്റെ അമ്മ, എന്റെ ഹീറോ”; വൈറലായി ഇന്ത്യൻ ഫുട്‌ബോൾ താരത്തിന്റെ അമ്മയെകുറിച്ചുള്ള കുറിപ്പ്

നമ്മുടെ ചെറിയ വിജയങ്ങളിൽ പോലും ഏറെ സന്തോഷിക്കുന്നവരാണ് അമ്മമാർ. അവരെക്കാൾ നമ്മുടെ സ്വപ്നങ്ങളെ സ്നേഹിക്കുന്ന മറ്റാരെങ്കിലും ഈ ലോകത്ത് ഉണ്ടോ എന്നത് സംശയമാണ്. തന്റെ അമ്മയെ കുറിച്ച് ഇന്ത്യയുടെ വനിതാ ദേശീയ ഫുട്ബോൾ ടീം സ്‌ട്രൈക്കറായ സന്ധ്യ രംഗനാഥന്റെ കുറിപ്പാണ് ഇപ്പോൾ സോഷ്യൽ മീഡിയയിൽ ശ്രദ്ധനേടുന്നത്.

ട്വിറ്ററിലാണ് സന്ധ്യ രംഗനാഥൻ ഹൃദയസ്പർശിയായ പോസ്റ്റ് പങ്കുവച്ചത്. അമ്മയ്‌ക്കൊപ്പം സന്ധ്യ പോസ് ചെയ്യുന്ന ചിത്രമാണ് ഒപ്പം ഉൾപ്പെടുത്തിയിട്ടുണ്ട്. അടിക്കുറിപ്പിൽ സന്ധ്യ തന്റെ അമ്മയെ ഹീറോ എന്നാണ് വിശേഷിപ്പിച്ചിരിക്കുന്നത്.

She is the reason behind who I am today. As a single mother of two daughters, life was not easy for her, but she ensured we lived our best lives. My strongest pillar of support.

Very happy and proud that she finally got to watch me play for the country. My Amma, my hero💙 pic.twitter.com/LBBz5wf3lI

— Sandhiya Ranganathan (@SandhiyaR_7) February 20, 2023

“ഇന്ന് ഞാൻ ആരാണോ അതിന് പിന്നിലെ കാരണം അമ്മയാണ്. രണ്ട് പെൺമക്കളുടെ സിംഗിൾ മദറായിരിക്കുക എന്നത് ഒരിക്കലും എളുപ്പമായിരുന്നില്ല. പക്ഷേ ഞങ്ങളുടെ ജീവിതം ഏറ്റവും മികച്ചതാക്കാൻ അവർ ഏറെ പരിശ്രമിച്ചു. എന്റെ പിന്തുണയുടെ ഏറ്റവും ശക്തമായ ഉറവിടം. ഒടുവിൽ ഞാൻ രാജ്യത്തിന് വേണ്ടി കളിക്കുന്നത് കാണാൻ അമ്മയ്ക്ക് ഭാഗ്യം ലഭിച്ചു. അതിൽ വളരെ സന്തോഷവും അഭിമാനവും ഉണ്ട്. എന്റെ അമ്മ, എന്റെ ഹീറോയാണ്,” എന്നാണ് സന്ധ്യ ട്വിറ്ററിൽ കുറിച്ചത്.

പോസ്റ്റ് ഇതിനോടകം തന്നെ വൈറലായി. നിരവധി പേരാണ് പോസ്റ്റിന് താഴെ ആശംസകളും അഭിനന്ദനവും അറിയിച്ചിരിക്കുന്നത്.

Story Highlights : Suresh Gopi Wealth Report BJP candidate Thrissur