വർക്കല പാപനാശം ബീച്ചിൽ പാരാഗ്‌ളൈഡിങ്ങിനിടെ യുവാവും യുവതിയും ഹൈമാസ്‌ ലൈറ്റ് പോസ്റ്റിൽ കുടുങ്ങി; രക്ഷാപ്രവർത്തനം തുടരുന്നു

വർക്കല പാപനാശം ബീച്ചിൽ പാരാഗ്‌ളൈഡിങ്ങിനിടെ അപകടമുണ്ടായി. യുവാവും യുവതിയും ഹൈമാസ്‌ ലൈറ്റ് പോസ്റ്റിൽ കുടുങ്ങി കിടക്കുകയാണ്. പൊലീസും ഫയർഫോഴ്‌സും രക്ഷപ്രവർത്തനം നടത്തുകയാണ്. ഉത്തരേന്ത്യൻ സ്വദേശികളാണ് അപകടത്തിൽപ്പെട്ടത്. ( paragliding accident at Varkala Papanasham beach ).

യുവതി ഒരു മണിക്കൂറിലധികം സമയമായി കുടുങ്ങിക്കിടക്കുകയാണ്. തനിക്ക് ആരോ​ഗ്യ പ്രശ്നമുണ്ടെന്നും ശ്വാസ തടസം അനുഭവപ്പെടുന്നുണ്ടെന്നും യുവതി താഴെ നിൽക്കുന്നവരോട് പറയുന്നുണ്ട്. ഇവരുടെ പേരോ മറ്റ് വിവരങ്ങളോ ലഭ്യമായിട്ടില്ല.

കൂടുതൽ ഫയർ ഫോഴ്സ് അം​ഗങ്ങൾ എത്തി ഇവരെ രക്ഷിക്കാനുള്ള ശ്രമം നടത്തുകയാണ്. വർക്കല പാരാഗ്‌ളൈഡിങ്ങിൽ അപകട സാധ്യത കൂടുതലുള്ള മേഖലയാണ്. യുവതിയുടെ കഴുത്തിൽ കയർ കുരുങ്ങിക്കിടക്കുന്നുവെന്നാണ് അറിയുന്നത്.

Story Highlights: paragliding accident at Varkala Papanasham beach