‘മതം കൊണ്ട് വെറുപ്പുണ്ടാക്കുന്നവരെ 2024 ഇലക്ഷനിൽ പാഠം പഠിപ്പിക്കണം’ ലീഗ് സമ്മേളനത്തിൽ മലയാളത്തിൽ സ്റ്റാലിൻ
![MK Stalin malayalam speech](https://www.twentyfournews.com/wp-content/uploads/2023/03/24-image-90.jpg?x93056)
മുസ്ലിം ലീഗ് സമ്മേളനത്തിൽ മലയാളത്തിൽ പ്രസംഗിച്ച് തമിഴ്നാട് മുഖ്യമന്ത്രി എം.കെ സ്റ്റാലിൻ. മുസ്ലിം ലീഗ് വിളിച്ചാൽ സമ്മേളനത്തിന് തനിക്ക് വരാതിരിക്കാനാവില്ലെന്നും ഇനിയും വിളിച്ചാലും സമ്മേളനങ്ങളിൽ പങ്കെടുക്കുമെന്നും അദ്ദേഹം തമിഴിൽ പറഞ്ഞപ്പോൾ പ്രസംഗത്തിന്റെ അവസാനമാണ് അദ്ദേഹം മലയാളത്തിൽ സദസ്സിനോട് സംവദിച്ചത്. ( MK Stalin malayalam speech )
‘മതം കൊണ്ട് നമുക്കിടയിൽ വെറുപ്പ് പടർത്താൻ നോക്കുന്നവരുണ്ട്. 2024 ലെ ഇലക്ഷൻ അവരെ പാഠം പഠിപ്പിക്കാനുള്ള അവസരമാണ്. 2024 ജയിക്കാൻ നമ്മൾ ഒരുമിച്ച് നിൽക്കണം. അതാണ് നമുക്ക് വിജയിക്കാനുള്ള മാർഗം. ഈ ആശയം ഇന്ത്യ മുഴുവൻ എത്തിക്കണം. നമുക്ക് ഒരമുച്ച് നിൽക്കാം, നമുക്ക് ജയിക്കാം’- എം.കെ സ്റ്റാലിൻ പറഞ്ഞു.
ചെന്നൈയിൽ മുസ്ലിം ലീഗ് പ്ലാറ്റിനം ജൂബിലി മഹാ സമ്മേളനത്തിൽ സംസാരിക്കുകയായിരുന്നു അദ്ദേഹം. ‘ഞാൻ വന്നിരിക്കുന്നത് നിങ്ങളിൽ ഒരുവനായിട്ടാണ്. നമ്മുടെ സമ്മേളനത്തിനാണ്. ഈ സമ്മേളനത്തിലേക്ക് ക്ഷണിച്ച നേതാക്കൾക്ക് നന്ദി. കലൈഞ്ജറെയും അണ്ണാ അവർകളെയും വളർത്തിയത് ഇസ്ലാമിക സമൂഹമാണ്. ഈ പരിപാടിയിൽ പങ്കെടുക്കാൻ വേണ്ടി കേരളത്തിൽനിന്ന് വന്ന പ്രിയപ്പെട്ട മലയാളികൾക്ക് എന്റെ വണക്കം’- സ്റ്റാലിൻ തമിഴിൽ പറഞ്ഞു.
ഈ സമ്മേളനം ചില രാഷ്ട്രീയ പ്രമേയങ്ങൾ അവതരിപ്പിച്ചത് കേട്ടു. അതിൽ പറഞ്ഞ കാര്യങ്ങൾ ആവുന്നതും ചെയ്യാൻ ശ്രമിക്കും. ന്യായമായ ആവശ്യങ്ങളെല്ലാം നിറവേറ്റുമെന്ന് താൻ ഈ അവസരത്തിൽ വാഗ്ദാനം ചെയ്യുകയാണെന്നും സ്റ്റാലിൻ പറഞ്ഞു.
Story Highlights: MK Stalin malayalam speech
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here