അവസാനത്തെ സിനിമയോ? പത്താമത്തെ സിനിമയുമായി ടറന്റീനോ

ലോകമെമ്പാടുമുള്ള സിനിമാ പ്രേമികള്‍ക്കിടയില്‍ ശ്രദ്ധേയനായി തീർന്ന സംവിധായകനാണ് ക്വിന്റിൻ ടറന്റീനോ. റിസര്‍വോയര്‍ ഡോഗ്‌സ്, പള്‍പ് ഫിക്ഷന്‍, ജാക്കി ബ്രൗണ്‍, കില്‍ ബില്‍ (രണ്ട് ഭാഗങ്ങള്‍), ഡെത്ത് പ്രൂഫ്, ഇന്‍ഗ്ലോറിയസ് ബാസ്റ്റര്‍ഡ്‌സ്, ജാങ്കോ അണ്‍ചെയിന്‍ഡ്, ദ ഹേറ്റ്ഫുള്‍ എയ്റ്റ്, വണ്‍സ് അപ്പോണ്‍ എ ടൈം ഇന്‍ ഹോളിവുഡ് എന്നിവയാണ് അദ്ദേഹം ഇതിനുമുമ്പ് ചെയ്ത ചിത്രങ്ങള്‍. എന്നാൽ തന്റെ പത്താമത്തെയും അവസാനത്തെയും ചിത്രമൊരുക്കാന്‍ തയ്യാറെടുത്തിരിക്കുകയാണ് അദ്ദേഹമെന്ന് ദ ഹോളിവുഡ് റിപ്പോർട് ചെയ്തു. സിനിമാ സംവിധാനം ചെയ്ത് തുടങ്ങുന്ന സമയത്ത് പത്ത് സിനിമകളേ താന്‍ ചെയ്യൂ അദ്ദേഹം പറഞ്ഞിരുന്നു. ( quentin tarantino sets the movie critic final movie )

ദ മൂവീ ക്രിട്ടിക് എന്നാണ് സിനിമയുടെ പേരെന്നും ടറന്റീനോ തന്നെയാണ് തിരക്കഥയെന്നും അടുത്തവൃത്തങ്ങളെ ഉദ്ധരിച്ച് ദി ബോളിവുഡ് റിപ്പോര്‍ട്ട് ചെയ്തു. നായികാ പ്രാധാന്യമുള്ള പീരിയോഡിക് ചിത്രമായിരിക്കും ഇത്. 1970-കളില്‍ ലോസ് ആഞ്ജലിസില്‍ നടന്ന സംഭവങ്ങളെ അടിസ്ഥാനമാക്കിയാണ് ചിത്രം ഒരുക്കുന്നത്. 2001-ല്‍ അന്തരിച്ച ലോകപ്രശസ്ത നിരൂപകയും നോവലിസ്റ്റുമായ പൗളീന്‍ കേലിന്റെ ജീവിതത്തെ ആസ്പദമാക്കിയാണ് സിനിമയെന്നും റിപ്പോര്‍ട്ടുകൾ ഉണ്ട്.

Read Also: ‘മോദി ഭയന്നിരിക്കുകയാണ്, കുറച്ചു ദിവസങ്ങൾ കഴിഞ്ഞാൽ പൊട്ടിക്കരയും’; രാഹുൽ ഗാന്ധി

2012-ല്‍ പ്ലേബോയ് മാസികയ്ക്ക് നല്‍കിയ അഭിമുഖത്തില്‍ പത്ത് ചിത്രങ്ങള്‍ മാത്രമേ ചെയ്യൂ എന്നും അറുപതാം വയസില്‍ ഈ ജോലി അവസാനിപ്പിക്കുമെന്നും ടാരന്റീനോ വ്യക്തമാക്കിയിരുന്നു. സ്വന്തം ചലച്ചിത്രജീവിതത്തില്‍ മോശം സിനിമകൾ ചെയ്യന്ന ആഗ്രഹിക്കുന്നില്ലെന്നും അന്ന് അദ്ദേഹം പറഞ്ഞിരുന്നു.

Story Highlights: quentin tarantino sets the movie critic final movie