രഘുവരന്റെ പതിനഞ്ചാം ചരമവാർഷികത്തിൽ ഓർമ്മകുറിപ്പുമായി രോഹിണി

അതുല്യ കലാകാരൻ രഘുവരന്റെ 15-ാം ചരമവാർഷികത്തിൽ വികാരനിർഭരമായ ഓർമ്മകുറിപ്പുമായി അദ്ദേഹത്തിന്റെ മുൻഭാര്യയും നടിയുമായ രോഹിണി. നിരവധി സിനിമകളിൽ അതുല്യമായ വേഷങ്ങൾ അഭിനയിക്കാൻ ബാക്കിനിൽക്കവേ, 2008 മാർച്ച് 19നാണ് അവയവ തകരാർ മൂലമാണ് നടൻ അന്തരിച്ചത്. ശിവാജി-ദി ബോസ്, ശിവ, അഞ്ജലി തുടങ്ങിയ ജനപ്രിയ സിനിമകളിൽ വേഷമിട്ട രഘുവരൻ ഹൃദയാഘാതത്തെ തുടർന്ന് ഒരാഴ്ച നീണ്ട പോരാട്ടത്തിനൊടുവിൽ ചെന്നൈയിലെ സ്വകാര്യ ആശുപത്രിയിലാണ് മരണമടഞ്ഞത്.

‘2008 മാർച്ച് 19 ഒരു സാധാരണ ദിവസമായി ആരംഭിച്ചു. പക്ഷേ എനിക്കും ഋഷിക്കും എല്ലാം ആ ദിവസം മാറിമറിഞ്ഞു. രഘു സിനിമയുടെ ഈ ഘട്ടത്തെ വളരെയധികം ഇഷ്ടപ്പെടുമായിരുന്നു. കൂടാതെ ഒരു നടനെന്ന നിലയിലും അദ്ദേഹം സന്തോഷവാനായിരുന്നു.’ രഘുവരന്റെ ഫോട്ടോയ്‌ക്കൊപ്പം രോഹിണി ട്വിറ്ററിൽ കുറിച്ചു.

Read Also: ‘മോദി ഭയന്നിരിക്കുകയാണ്, കുറച്ചു ദിവസങ്ങൾ കഴിഞ്ഞാൽ പൊട്ടിക്കരയും’; രാഹുൽ ഗാന്ധി

ശബ്ദത്തിന്റെ പ്രത്യേകതകൊണ്ട് അറിയപ്പെട്ട നടനായിരുന്നു രഘുവരൻ. മലയാള സിനിമയിലൂടെയാണ് രഘുവരൻ സിനിമയിൽ തന്റെ അഭിനയയാത്ര തുടങ്ങിയത്. 26 വർഷത്തെ കരിയറിൽ, മലയാളം, തെലുങ്ക്, ഹിന്ദി സിനിമകളിൽ നായകനും വില്ലനുമായി ഒട്ടേറെ കഥാപാത്രങ്ങളെ അവതരിപ്പിച്ചു. അതേസമയം, നടൻ രഘുവരൻ 1996-ൽ നടി രോഹിണിയെ വിവാഹം കഴിച്ചു, പിന്നീട് ദമ്പതികൾ വേർപിരിഞ്ഞ് 2004-ൽ വിവാഹമോചനം നേടിയിരുന്നു. എന്നാൽ, സുഹൃത്തുക്കളായി തുടർന്നിരുന്നു.

Story Highlights : Suresh Gopi Wealth Report BJP candidate Thrissur