ഗാർഹിക പീഡനക്കേസിൽ ഹോളിവുഡ് നടൻ ജോനഥൻ മേജേഴ്സ് അറസ്റ്റിൽ

ഹോളിവുഡ് നടൻ ജോനഥൻ മേജേഴ്സിനെ ഗാർഹിക പീഡനക്കേസിൽ ന്യൂയോർക്ക് പൊലീസ് അറസ്റ്റ് ചെയ്തു. നടനോടൊപ്പം ഉണ്ടായിരുന്ന സ്ത്രീ അടിയന്തരസഹായം തേടി വിളിച്ചതിനെത്തുടർന്ന് വീട്ടിലെത്തിയ പൊലീസ് അദ്ദേഹത്തെ അറസ്റ്റ് ചെയ്യുകയായിരുന്നു. നടൻ പരാതിക്കാരിയുടെ കഴുത്തു ഞെരിക്കുകയും ആക്രമിക്കുകയും ചെയ്തെന്നാണ് കേസ്.

അതേസമയം പരാതിക്കാരി വൈകാരിക പ്രതിസന്ധി ഉണ്ടായപ്പോൾ പൊലീസിനെ വിളിച്ചതാണെന്നും മേജേഴ്സ് ആണ് യഥാർഥത്തിൽ ഇരയെന്നും അഭിഭാഷക പ്രിയ ചൗധരി പറഞ്ഞു.

ഇതിനിടെ സൈന്യത്തിലേക്ക് യുവാക്കളെ ക്ഷണിക്കാൻ ജോനഥൻ മേജേഴ്സിനെവച്ചു പുറത്തിറക്കിയ ടിവി പരസ്യം യുഎസ് സൈന്യം പിൻവലിച്ചു.

Story Highlights: Jonathan Majors arrested on assault charge in New York