സാങ്കേതിക തകരാർ; ബാംഗ്ലൂർ-വാരണാസി ഇൻഡിഗോ വിമാനം അടിയന്തരമായി ഹൈദരാബാദിലിറക്കി
ബെംഗളൂരുവിൽ നിന്ന് വാരാണസിയിലേക്ക് പുറപ്പെട്ട ഇൻഡിഗോ വിമാനം ഹൈദരാബാദ് വിമാനത്താവളത്തിൽ അടിയന്തരമായി ഇറക്കി. സാങ്കേതിക തകരാറിനെ തുടർന്നാണ് 6E897 വിമാനം തിരിച്ചിറക്കിയത്. മുഴുവൻ യാത്രക്കാരും സുരക്ഷിതരാണെന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ അറിയിച്ചു.
രാവിലെ 6:15 നാണ് സംഭവം. 137 യാത്രികരാണ് വിമാനത്തിലുണ്ടായിരുന്നത്. യാത്രികരുമായി ബംഗളൂരു വിമാനത്താവളത്തിൽ നിന്നും പുറപ്പെട്ട വിമാനത്തിന് സാങ്കേതിക തകരാർ അനുഭവപ്പെടുകയായിരുന്നു. തുടർന്ന് തൊട്ടടുത്ത രാജീവ് ഗാന്ധി അന്താരാഷ്ട്ര വിമാനത്താവളത്തിൽ അടിയന്തര ലാൻഡിംഗ് നടത്തുകയായിരുന്നു. യാത്രക്കാർ സുരക്ഷിതരാണെന്നും സംഭവത്തിൽ അന്വേഷണം ആരംഭിച്ചിട്ടുണ്ടെന്നും ഡിജിസിഎ അറിയിച്ചു.
Story Highlights: IndiGo’s B’luru-Varanasi flight makes emergency landing at Hyderabad
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here