പോള ശല്യം; ആലപ്പുഴ-കോട്ടയം ബോട്ട് ഗതാഗതം തടസപ്പെട്ടു; യാത്രക്കാർ കുടുങ്ങി കിടക്കുന്നു

കോട്ടയെ വെട്ടിക്കാട് യാത്രാ മധ്യേ ബോട്ട് കുടുങ്ങി ഗതാഗതം തടസപ്പെട്ടു. പോള നിറഞ്ഞതിനെ തുടർന്നാണ് ഗതാഗതം തടസപ്പെട്ടത്. യാത്രക്കാർ കുടുങ്ങി കിടക്കുകയാണ്. ( kottayam alappuzha boat trapped )

ആലപ്പുഴയിലേക്ക് പോകുന്ന ബോട്ടാണ് യാത്രാ മധ്യേ കുടുങ്ങി കിടക്കുന്നത്. കായലിൽ പോള നിറഞ്ഞതുകാരണം ബോട്ടിന് യാത്ര ചെയ്യാൻ സാധിക്കുന്നില്ല. പോളയെല്ലാം മാറ്റി ബോട്ട് തിരിക്കുന്നതിനിടെയാണ് ബോട്ട് കുടുങ്ങിയത്. കഴിഞ്ഞ അര മണിക്കൂറോളമായി ബോട്ട് കുടുങ്ങി കിടക്കുകയാണ്.

പോള മാറ്റിയാൽ മാത്രമേ ബോട്ടിന് ആലപ്പുഴയിലേക്ക് പോകാൻ സാധിക്കുകയുള്ളു. തണ്ണീർ മുക്കം ബണ്ട് തുറന്നുവിട്ടതോടെയാണ് പോള ഒഴുകി ജലപാതയിലേക്ക് എത്തിയത്.

Story Highlights: kottayam alappuzha boat trapped