ഷാർജയിൽ വായനോത്സവത്തിൽ പ്രസാധകർക്ക് കൈത്താങ്ങായി ഷാർജ ഭരണാധികാരി; പു​സ്ത​ക​ങ്ങ​ൾ വാ​ങ്ങാൻ വകയിരുത്തിയത് ​25 ല​ക്ഷം ദി​ർ​ഹം

ഷാർജയിലെ കുട്ടികളുടെ വായനോത്സവത്തിൽ പ്രസാധകർക്ക് കൈത്താങ്ങായി ഷാർജ ഭരണാധികാരി.​ പു​സ്ത​ക​ങ്ങ​ൾ വാ​ങ്ങു​ന്ന​തി​ന് ​പണം വ​ക​യി​രു​ത്തിയതായി ഭരണാധികാരി അറിയിച്ചു. അക്ഷരങ്ങളെയും വായനയെയും എക്കാലവും പ്രോത്സാഹിപ്പിക്കാറുളള രാജ്യമാണ് യുഎഇ. ( Sheikh Sultan allocates Dh2.5 million for book purchases ).

Read Also: ‘മോദി ഭയന്നിരിക്കുകയാണ്, കുറച്ചു ദിവസങ്ങൾ കഴിഞ്ഞാൽ പൊട്ടിക്കരയും’; രാഹുൽ ഗാന്ധി

എമിറേറ്റിലെ വായനശാലകളിലേക്ക് പു​സ്ത​ക​ങ്ങ​ൾ വാ​ങ്ങു​ന്ന​തി​ന് ​25 ല​ക്ഷം ദി​ർ​ഹമാണ് വ​ക​യി​രു​ത്തിയത്. യുഎഇ സു​പ്രീം കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ഷെയ്ഖ്​ ഡോ. ​സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി തന്നെയാണ് ഇക്കാര്യം അറിയിച്ചത്. വായനോത്സവത്തിൽ പ​​ങ്കെ​ടു​ക്കു​ന്ന ലോ​ക​ത്തെ​മ്പാ​ടു​മു​ള്ള പ്ര​സാ​ധ​നാ​ല​യ​ങ്ങ​ൾ​ക്ക്​ തീരുമാനം വലിയതോതിൽ ​ഗുണം ചെയ്യും. വാ​യ​ന​യെ​യും വി​ജ്ഞാ​ന​ത്തെ​യും പ്രോ​ത്സാ​ഹി​പ്പി​ക്കു​ന്ന ഷാ​ർ​ജ​യു​ടെ ന​യ​നി​ല​പാ​ടു​ക​ൾ അ​നു​സ​രി​ച്ചാ​ണ്​ ന​ട​പ​ടി സ്വീ​ക​രി​ച്ച​ത്.

16 രാ​ജ്യ​ങ്ങ​ളി​ൽ​നി​ന്നു​ള്ള 141 പ്ര​സാ​ധ​ക​രാണ് ഇത്തവണ പങ്കെടുക്കാനെത്തിയിരിക്കുന്നത്. കഴിഞ്ഞ വർഷങ്ങളിലും കു​ട്ടി​ക​ളു​ടെ വാ​യ​നോ​ത്സ​വ​ത്തി​ലും അ​ന്താ​രാ​ഷ്ട്ര പു​സ്ത​കോ​ത്സ​വ​ത്തി​ലും എ​ത്തി​ച്ചേ​രു​ന്ന പ്ര​സാ​ധ​ക​രി​ൽ​നി​ന്ന്​ പു​സ്ത​ക​ങ്ങ​ൾ വാ​ങ്ങു​ന്ന​തി​ന്​ ഫ​ണ്ട്​ അ​നു​വ​ദിച്ചിരുന്നു. വായനോത്സവത്തിന്റെ 14ാം പ​തി​പ്പാണ് പുരോ​ഗമിക്കുന്നത്.

Story Highlights: Sheikh Sultan allocates Dh2.5 million for book purchases