മോക്ക ചുഴലിക്കാറ്റ് രൂപപ്പെടുന്നു; മൂന്ന് ജില്ലകളിൽ യെല്ലോ അലേർട്ട്

സംസ്ഥാനത്ത് ഇന്ന് മൂന്ന് ജില്ലകളിൽ യെല്ലോ അലേർട്ട് പ്രഖ്യാപിച്ചു. പത്തനംതിട്ട, ഇടുക്കി, വയനാട് എന്നീ ജില്ലകളിലാണ് യെല്ലോ അലർട്ട് പ്രഖ്യാപിച്ചിരിക്കുന്നത്. ബംഗാൾ ഉൾക്കടലിൽ രൂപംകൊള്ളുന്ന മോക്ക ചുഴലിക്കാറ്റാണ് കേരളത്തിലും മഴയ്ക്ക് കാരണമാകുന്നത്.(Cyclone Mocha Forms in bay of bengal)

ചുഴലിക്കാറ്റിനെ തുടർന്ന് കേരളത്തിൽ ഒറ്റപ്പെട്ടയിടങ്ങളിൽ മഴക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. മോക്ക ചുഴലിക്കാറ്റ് കേരളത്തെ നേരിട്ട് ബാധിക്കില്ലെങ്കിലും ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

Read Also: മൊബൈൽ ഫോൺ പൊട്ടിത്തെറിക്കാൻ കാരണമെന്ത് ? എങ്ങനെ സൂക്ഷിക്കണം ?

മോക്ക ചുഴലിക്കാറ്റ് രൂപപ്പെട്ട ശേഷം വടക്ക്-പടിഞ്ഞാറൻ ദിശയിൽ സഞ്ചരിക്കും. പിന്നീട് ബം​ഗ്ലാദേശ്, മ്യാൻമർ തീരത്തേക്ക് നീങ്ങും. കാറ്റിന് മണിക്കൂറിൽ 130 കിലോമീറ്റർ വേ​ഗതയുണ്ടായിരിക്കും. അതേസമയം ചുഴലിക്കാറ്റ് തീരം തൊടും മുമ്പെ ദുർബലമാകാൻ സാധ്യതയുണ്ടെന്നും കേന്ദ്ര കാലവസ്ഥ നിരീക്ഷണ വകുപ്പ് അറിയിച്ചു.

Story Highlights: Cyclone Mocha Forms in bay of bengal