‘അരിക്കൊമ്പനുമായി കിഴക്കമ്പലത്തേക്ക്’ ട്വന്റി–20ക്കെതിരെ പരിഹാസവുമായി പി.വി. ശ്രീനിജിന്‍ എം.എല്‍.എ

അരിക്കൊമ്പന് സുരക്ഷ ഒരുക്കണമെന്നും കേരളത്തിലേക്ക് മടക്കിക്കൊണ്ട് വരണമെന്നും ആവശ്യപ്പെട്ട ട്വന്റി 20 ചീഫ് കോ–ഓര്‍ഡിനേറ്ററായ സാബു ജേക്കബിനെതിരെ പി.വി. ശ്രീനിജന്‍ എം.എല്‍.എ. പാന്റ്സും ഷര്‍ട്ടും ധരിപ്പിച്ച ആനയെ ഒരാള്‍ നടത്തിക്കൊണ്ട് വരുന്ന ചിത്രം എംഎൽഎ ഫെയ്സ്ബുക്കില്‍ പങ്കുവച്ചു. അരിക്കൊമ്പനുമായി കിഴക്കമ്പലത്തേക്ക് എന്ന് കുറിപ്പോടെയായിരുന്നു പോസ്റ്റ്.(Arikkomban Issue Adv P V Sreenijin MLA on Sabu Jacob)

അരിക്കൊമ്പന് സുരക്ഷ ഒരുക്കണമെന്നും കേരളത്തിലേക്ക് മടക്കിക്കൊണ്ട് വരണമെന്നുമായിരുന്നു ട്വന്റി 20 ചീഫ് കോ–ഓര്‍ഡിനേറ്ററായ സാബു ജേക്കബിന്റെ ആവശ്യം. ആനയെ കേരളത്തിലേക്ക് കൊണ്ട് വരണമെന്ന് എന്ത് അടിസ്ഥാനത്തിലാണ് പറയുന്നതെന്നും ഹര്‍ജിയുടെ സത്യസന്ധത സംശയിക്കുന്നുവെന്നും ഹൈക്കോടതി തുറന്നടിച്ചു. തമിഴ്‌നാട്ടില്‍ നടക്കുന്ന കാര്യങ്ങളില്‍ ഹര്‍ജിക്കാരന് പരാതി ഉണ്ടെങ്കില്‍ മദ്രാസ് ഹൈക്കോടതിയെ സമീപിക്കണമെന്നും ഹൈക്കോടതി നിര്‍ദ്ദേശിച്ചു.

Read Also: മധ്യവയസ്കനെ കുത്തിക്കൊലപ്പെടുത്താൻ ശ്രമിച്ച യുവാവ് അറസ്റ്റിൽ; 56കാരന്റെ തലയിൽ ആഴത്തിൽ മുറിവേറ്റു

ട്വന്റി ട്വന്റി ചീഫ് കോര്‍ഡിനേറ്റര്‍ സാബു എം ജേക്കബിന്റെ ഹര്‍ജി പരിഗണിച്ച ഹൈക്കോടതി അതിരൂക്ഷ വിമര്‍ശനമാണ് വാദംകേള്‍ക്കലില്‍ ഉടനീളം നടത്തിയത്. ആന നിലവില്‍ തമിഴ്‌നാടിന്റെ ഭാഗത്താണുളളത്. ഉള്‍വനത്തിലേക്ക് ആനയെ അയക്കണമെന്നും തമിഴ്‌നാട് പറയുന്നു. തമിഴ്‌നാട് വനം വകുപ്പ് ആനയെ എന്തെങ്കിലും തരത്തില്‍ ഉപദ്രവിച്ചതായി തെളിവില്ല. ഈ സ്ഥിതിക്ക് എന്തിന് ആനയെ തിരികെ കൊണ്ട് വരണമെന്ന് കോടതി ചോദിച്ചു. അരിക്കൊമ്പന്‍ ദൗത്യത്തിനായി സര്‍ക്കാര്‍ ചെലവഴിച്ചത് 80 ലക്ഷം രൂപയാണ്. മാത്രമല്ല സര്‍ക്കാര്‍ കടബാധ്യതയിലുമാണ്. ഇനി തമിഴ്‌നാട് സര്‍ക്കാര്‍ ആനയെ മാറ്റാന്‍ തയ്യാറായാല്‍ എല്ലാ ചിലവും സാബു വഹിക്കുമോയെന്നും കോടതി പരിഹസിച്ചു.

Story Highlights: Arikkomban Issue Adv P V Sreenijin MLA on Sabu Jacob