ആദിവാസി കുടുംബങ്ങൾക്ക്‌ ടാർപോളിൻ വിതരണം ചെയ്ത് മമ്മൂട്ടിയുടെ കെയർ ആൻറ് ഷെയർ

പുൽപ്പള്ളിയിലെ വെട്ടത്തൂർ, വണ്ടിക്കടവ്, ചെത്തിമറ്റം എന്നീ ആദിവാസി കോളനികളിൽ ചോർന്നൊലിച്ചു ദുരിതത്തിൽ കഴിയുന്ന 50 ഓളം ആദിവാസി കുടുംബങ്ങൾക്ക്‌ ടാർപോളിൻ നൽകി മമ്മൂട്ടിയുടെ കെയർ ആൻഡ് ഷെയർ ഫൗണ്ടേഷൻ. ദുരിതമനുഭവിക്കുന്നവരുടെ ആവശ്യം ഫോറസ്റ്റ് റേഞ്ച് ഓഫീസർ അബ്ദുൾ സമദ് അറിയിച്ചതിനെ തുടർന്നാണ് പദ്ധതി സാധ്യമായതെന്ന് ഫൗണ്ടേഷൻ വ്യക്തമാക്കി.

ഫൗണ്ടേഷൻ മാനേജിംഗ് ഡയറക്ടർ ഫാ. തോമസ് കുര്യൻ മരോട്ടിപ്പുഴ, വാർഡ് മെമ്പർ മണി, ഫോറസ്റ്റ് ഓഫീസർമാരായ സജി, മണികണ്ഠൻ, സതീഷ്, ചിഞ്ചു എന്നിവരും ചടങ്ങിൽ പങ്കെടുത്തു.

Story Highlights: mammootty care and share pulppally