മിച്ച ഭൂമി കേസിൽ പി വി അൻവറിന് തിരിച്ചടി; ഭൂപരിതി ലംഘിച്ചുള്ള 6.25 ഏക്കർ തിരിച്ച് പിടിക്കാൻ ഉത്തരവ്
മിച്ചഭൂമി കേസില് പി വി അൻവർ എംഎല്എയ്ക്ക് തിരിച്ചടി. ഭൂപരിധി ലംഘിച്ചുള്ള 6.25 ഏക്കർ ഭൂമി തിരിച്ച് പിടിക്കാൻ താമരശേരി താലൂക്ക് ലാൻഡ് ബോർഡ് ഉത്തരവിട്ടു. ഒരാഴ്ചക്കുള്ളിൽ നടപടികൾ പൂർത്തിയാക്കാനാണ് താമരശേരി താലൂക്ക് ലാൻഡ് ബോർഡ് നിർദേശിച്ചിരിക്കുന്നത്.
ലാന്ഡ് ബോര്ഡിനെ തെറ്റിദ്ധരിപ്പിക്കാന് പി വി അന്വര് എംഎല്എ വ്യാജരേഖ ചമച്ചെന്ന ഓതറൈസ്ഡ് ഓഫീസറുടെ റിപ്പോര്ട്ട് നേരത്തെ പുറത്ത് വന്നിരുന്നു. അന്വറും ഭാര്യയും ചേര്ന്ന് പീവിയാര് എന്റര്ടെയ്ന്മെന്റ് എന്ന പേരില് പങ്കാളിത്ത സ്ഥാപനം തുടങ്ങിയത് ഭൂപരിഷ്കരണ നിയമം മറികടക്കാന് വേണ്ടിയാണെന്നാണ് റിപ്പോര്ട്ടില് പറയുന്നത്.
പി വി അന്വറിന്റെ പക്കല് 15 ഏക്കറോളം മിച്ചഭൂമി ഉണ്ടെന്നും ഈ ഭൂമി സര്ക്കാരിന് വിട്ട് നല്കാന് നിര്ദേശം നല്കാവുന്നതാണെന്നും ഓതറൈസഡ് ഓഫീസര് താലൂക്ക് ലാന്ഡ് ബോര്ഡിന് സമര്പ്പിച്ച റിപ്പോര്ട്ടിലുണ്ടായിരുന്നു. ഭൂപരിഷ്കരണ നിയമം മറികടക്കാനായി പങ്കാളിത്ത നിയമവും സ്റ്റാംപ് നിയമവും അന്വറും കുടുംബവും ലംഘിച്ചുവെന്നാണ് റിപ്പോര്ട്ടിലെ പ്രധാന ഉളളടക്കം.
Story Highlights: Thamarassery Taluk Land Board Order against P V Anwar MLA
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here