ഗാസയ്ക്കെതിരെ ഇസ്രയേലിന്റെ കരയുദ്ധം ഉടനെന്ന് സൂചന; ആയിരക്കണക്കിന് ഇസ്രയേല് സൈനികര് ഗാസ അതിര്ത്തിയില്
ഗാസയ്ക്കെതിരെ ഇസ്രയേലിന്റെ കരയുദ്ധം ഉടനെന്ന് സൂചന. ആയിരക്കരണക്കിന് ഇസ്രയേല് സൈനികര് ഗാസ അതിര്ത്തിയില് തമ്പടിച്ചെന്നാണ് റിപ്പോര്ട്ട്. ദൗത്യം ഏത് നിമിഷവും തുടങ്ങുമെന്നാണ് ഇസ്രയേല് അറിയിച്ചിരിക്കുന്നത്. (Israel’s ground war against Gaza may happen soon says reports)
അതേസമയം ഗാസയില് 12 ദിവസത്തേക്കുള്ള ഭക്ഷണവും വെള്ളവും മാത്രമേയുള്ളൂ എന്നാണ് യു എന് അറിയിച്ചിരിക്കുന്നത്. വൈദ്യുതിയും ഗാസയില് തീര്ന്നുകൊണ്ടിരിക്കുകയാണ്. അതിനിടെ അമേരിക്കയുടെ ആദ്യ സൈനീക കപ്പല് ഇസ്രയേല് തീരത്തണഞ്ഞെന്നും റിപ്പോര്ട്ടുണ്ട്. കിഴക്കന് മെഡിറ്ററേനിയന് കടലിലാണ് ആണവശേഷിയുള്ള വിമാനവാഹിനി കപ്പല് ജെറാള്ഡ് ഫോഡുള്ളത്. ഹമാസിനെതിരായ യുദ്ധത്തില് ഇസ്രായേലിന് പൂര്ണ പിന്തുണ നല്കുമെന്ന് ബൈഡന് പ്രഖ്യാപിച്ചിരുന്നു. വലിയ സൈനിക സംവിധാനം കപ്പലില് ഉണ്ടാകും. സ്ഥിതിഗതികള് വിലയിരുത്താന് യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കന് ഇന്ന് ഇസ്രയേലിലേക്ക് തിരിക്കും.
വരും ദിവസങ്ങളില് ഇസ്രായേലിന് കൂടുതല് സഹായം എത്തിക്കുമെന്ന് അമേരിക്ക അറിയിച്ചിട്ടുണ്ട്. ഏറെ വെല്ലുവിളികള് നേരിടുന്ന ഈ സമയത്ത് ഇസ്രയേലിനും തങ്ങളുടെ പ്രതിരോധ സേനയ്ക്കും അമേരിക്ക നല്കിയ പിന്തുണയ്ക്കും സഹായത്തിനും ഏറെ നന്ദിയുള്ളവരായിരിക്കുമെന്ന് ഐഡിഎഫ് ട്വീറ്റ് ചെയ്തിട്ടുണ്ട്.
ഹമാസ് ഭരണത്തിലുള്ള ഗാസയില് ഇസ്രയേല് സൈന്യം നടത്തിയ ആക്രമണത്തില് ധനകാര്യ മന്ത്രാലയവും ബാങ്കും തകര്ത്തുവെന്ന് ഇസ്രയേല് അവകാശപ്പെട്ടിട്ടുണ്ട്. ഹമാസിന്റെ ഉന്നത നേതാവിനെയും ധനമന്ത്രിയെയും വധിച്ചതായി ഇസ്രായേല് സൈന്യം വ്യക്തമാക്കി.
Story Highlights: Israel’s ground war against Gaza may happen soon says reports
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here