മഹാരാജാസ് കോളജിൽ പ്രിൻസിപ്പലിനെ എസ്എഫ്ഐ പ്രവർത്തകർ തടഞ്ഞുവെച്ചു

എറണാകുളം മഹാരാജാസ് കോളജിൽ പ്രിൻസിപ്പലിനെ എസ് എഫ് ഐ പ്രവർത്തകർ തടഞ്ഞുവെച്ചു . രണ്ട് എസ്എഫ്ഐ പ്രവർത്തകരെ സസ്പെൻഡ് ചെയ്യാനുള്ള നീക്കത്തിനെതിരായായിരുന്നു പ്രതിഷേധം. ഇന്ന് വൈകിട്ട് നാല് മണിയോടെ തുടങ്ങിയ ഉപരോധ സമരം രാത്രി 9.45 ഓടെയാണ് അവസാനിച്ചു.

പ്രശ്നങ്ങൾ ചർച്ച ചെയ്യാൻ പ്രിൻസിപ്പൽ നാളെ കൗൺസിൽ യോഗം വിളിച്ചു. കഴിഞ്ഞ ദിവസം കോളജിൽ ഉണ്ടായ സംഘർഷത്തിൽ പ്രിൻസിപ്പൽ ഏകപക്ഷീയ നിലപാടാണ് സ്വീകരിച്ചതെന്ന് എസ്എഫ്ഐ യുടെ ആരോപിക്കുന്നു. അതേസമയം പ്രിൻസിപ്പൽ ഇതുവരെ പൊലീസിന്റെ സഹായം തേടിയിട്ടില്ലെന്നാണ് മനസിലാക്കുന്നത്.

Story Highlights: SFI activists locked principal Room Maharaja’s College