‘കുട്ടിയെ കണ്ടെത്താനായത് ആശ്വാസകരം’; സംഘത്തെ ഉടൻ പിടികൂടണമെന്ന് സുധാകരന്
![K Sudhakaran on Oyur Kidnapping](https://www.twentyfournews.com/wp-content/uploads/2023/11/K-Sudhakaran-on-Oyur-Kidnapping.jpg?x93056)
ഓയൂരില് നിന്നും കാറില് തട്ടിക്കൊണ്ടുപോയ ആറു വയസ്സുകാരി അബിഗേല് സാറ റെജിയെ 20 മണിക്കൂറിനുശേഷം കണ്ടെത്തിയ സംഭവം ഏറെ ആശ്വാസകരമാണെന്ന് കെപിസിസി പ്രസിഡന്റ് കെ സുധാകരന് എം.പി. കേരളീയ സമൂഹത്തിന്റെ ഇടപെടലും പിന്തുണയും കുട്ടിയെ കണ്ടെത്തുന്നതിന് സഹായകരമായി. കുട്ടിയെ തട്ടിക്കൊണ്ടുപോയ സംഘങ്ങളെ കണ്ടെത്താന് പൊലീസിന് കഴിഞ്ഞിട്ടില്ലെന്നത് നിര്ഭാഗ്യകരമാണെന്നും അദ്ദേഹം കുറ്റപ്പെടുത്തി.
ഓയൂര് ഭാഗത്ത് നിന്നും കുട്ടിയെ തട്ടിക്കൊണ്ടുപോയി 20 മണിക്കൂറിനു ശേഷം കൊല്ലം നഗരത്തിലെ തിരക്കേറിയ പ്രദേശത്തിന് സമീപമാണ് കുട്ടിയെ സംഘം ഉപേക്ഷിച്ചത്. ഇത്രയും ദൂരം പൊലീസിന്റെ കണ്ണുവെട്ടിച്ച് എങ്ങനെയാണ് ഈ സംഘത്തിന് സഞ്ചരിക്കാനായത്? കേരളത്തിന്റെ മുക്കിലും മൂലയിലും എഐ ക്യാമറ ഉള്പ്പെടെയുള്ള സംവിധാനങ്ങളും വലിയ പൊലീസ് സന്നാഹവും ഉള്ളപ്പോഴാണ് ഇങ്ങനെ സംഭവിച്ചത്. ഇത് സുരക്ഷാവീഴ്ചയിലേക്കാണ് വിരല് ചൂണ്ടുന്നത്. ക്രിമിനല് സംഘത്തെ അടിയന്തരമായി കണ്ടെത്തണമെന്നും കര്ശനമായ നിയമനടപടികള് ഉണ്ടാകണമെന്നും സുധാകരന് ആവശ്യപ്പെട്ടു.
Story Highlights: K Sudhakaran on Oyur Kidnapping
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here