സംസ്ഥാന ഭരണം വളരെ മോശം; പ്രതിപക്ഷവും കേന്ദ്രവും ശരാശരിയെന്ന് തിരുവനന്തപുരം

സംസ്ഥാന ഭരണം വളരെ മോശമെന്ന് തിരുവനന്തപുരം ട്വന്റിഫോറിന്റെ ലോക്‌സഭാ ഇലക്ഷൻ മൂഡ് ട്രാക്കർ സർവേ ഫലം. 32 ശതമാനം പേരാണ് എൽഡിഎഫ് ഭരണം വളരെ മോശമെന്ന് അഭിപ്രായപ്പെട്ടത്. 23 ശതമാനം പേർ ശരാശരിയെന്ന് വിലയിരുത്തിയപ്പോൾ 14 ശതമാനം പേർ മികച്ചതെന്ന അഭിപ്രായക്കാരാണ്. മോശമെന്ന് 16 ശതമാനം പേർ അഭിപ്രായപ്പെട്ടു. 6 ശതമാനം പേർക്ക് ഭരണം വളരെ മികച്ചതാണ്. 9 ശതമാനം പേർക്ക് അഭിപ്രായമില്ല.

പ്രതിപക്ഷത്തിൻ്റെ പ്രവർത്തനം ശരാശരിയാണ്. 38 ശതമാനം പേർ ഈ അഭിപ്രായം രേഖപ്പെടുത്തിയപ്പോൾ 18 ശതമാനം പേർ വളരെ മോശമെന്ന അഭിപ്രായക്കാരാണ്. 17 ശതമാനം പേർ മോശം പ്രവർത്തനമാണ് പ്രതിപക്ഷം നടത്തുന്നതെന്ന് അഭിപ്രായപ്പെട്ടു. 11 ശതമാനം പേർ മികച്ചതെന്നും 3 ശതമാനം പേർ വളരെ മികച്ചതെന്നും വിലയിരുത്തിയപ്പോൾ 13 ശതമാനം പേർക്ക് അഭിപ്രായമില്ല.

തിരുവനന്തപുരത്തുകാർക്ക് കേന്ദ്രഭരണവും ശരാശരിയാണ്. 27 ശതമാനം പേരാണ് ശരാശരിക്കൊപ്പം നിന്നത്. 19 ശതമാനം പേർ മോശമെന്ന് അഭിപ്രായപ്പെട്ടപ്പോൾ 16 ശതമാനം പേർ മികച്ചതെന്ന അഭിപ്രായക്കാരാണ്. വളരെ മോശം എന്ന അഭിപ്രായം 13 ശതമാനം പേർക്കുണ്ട്. 11 ശതമാനം പേർ വളരെ മികച്ച ഭരണമാണെന്നും വിലയിരുത്തുന്നു. 14 ശതമാനം പേർക്ക് അഭിപ്രായമില്ല.

Story Highlights: thiruvananthapuram government opposition 24 survey