സേവ് ഫ്യൂവൽ; ഇന്ധനം ലാഭിക്കാൻ ​ഗൂ​ഗിൾ മാപ്സിന്റെ പുതിയ ഫീച്ചർ

ടെക് ലോകത്ത് വമ്പൻ മാറ്റങ്ങൾക്ക് തുടക്കം കുറിച്ച ഒന്നായിരുന്നു ​ഗൂ​ഗിൾ‌ മാപ്സ്. എന്നാൽ ഒരിടയ്ക്ക് ​ഗൂ​ഗിൾ മാപ്സ് വഴി തെറ്റിക്കുന്നു എന്നുള്ള നിരവധി പരാതികൾ ഉയർന്നെങ്കിലും ഇപ്പോഴും ഏറ്റവും കൂടുതൽ ആളുകൾ ഉപയോ​ഗിക്കുന്ന ഒന്നാണ് ​ഗൂ​ഗിൾ മാപ്സ്. ഇപ്പോഴിതാ മാപ്​സിൽ പുതിയൊരു ഫീച്ചർകൂടി ഉൾപ്പെടുത്തിയിരിക്കുകയാണ് മാപ്സ്.

നേരത്തെ തന്നെ നിരവധി രാജ്യങ്ങളിൽ അവതരിപ്പിച്ച ഫീച്ചറായ സേവ് ഫ്യൂവൽ എന്ന ഫീച്ചറാണ് ഇന്ത്യയിൽ‌ അവതരിപ്പിച്ചിരിക്കുന്നത്. അമേരിക്കയിലെയും കാനഡയിലെയും യൂറോപ്പിലെയും ഉപയോക്താക്കൾക്കായി 2022 സെപ്റ്റംബറിൽ ഈ ഫീച്ചർ അവതരിപ്പിച്ചിരുന്നു. വാ​ഹനത്തിന് കൂടുതൽ ഇന്ധനക്ഷമത ലഭിക്കാൻ സഹായിക്കുക എന്ന ലക്ഷ്യത്തോടെയാണ് ഈ ഫീച്ചർ അവതരിപ്പിച്ചിരിക്കുന്നത്.

ഈ ഫീച്ചർ ആക്ടിവേറ്റ് ചെയ്യുന്നോടെ മാപ്സ്​ നമ്മുക്ക്​ സഞ്ചരിക്കാനുള്ള വഴികളിൽ വ്യത്യസ്ത റൂട്ടുകൾക്കുള്ള ഇന്ധനമോ ഊർജ്ജ ഉപഭോഗം കണക്കാക്കും. തത്സമയ ട്രാഫിക് അപ്‌ഡേറ്റുകളും റോഡ് അവസ്ഥകളും വിശകലനം ചെയ്താണിത്​ സാധ്യമാക്കുന്നത്. നമ്മുടെ വാഹനത്തിൽ ഏത്​ ഇന്ധനമാണ്​ ഉപയോഗിക്കുന്നത്​ എന്ന​ ഇൻപുട്ട്​ നൽകാനും അതിലൂടെ കൂടുതൽ കൃത്യമായ വിവിരം ലഭ്യമാക്കാനും ഫ്യുവൽ സേവിങ് ഫീച്ചറിൽ ഓപ്​ഷനുണ്ട്.

​ഗൂ​ഗിൾ മാപ്സ് തുറന്ന് നിങ്ങളുടെ പ്രൊഫൈൽ ഐക്കണിൽ ടാപ്പ് ചെയ്ത ശേഷം സെറ്റിങ്സിൽ നാവി​ഗേഷൻ തെരഞ്ഞെടുക്കുക. റൂട്ട് ഓപ്ഷനുകൾ കണ്ടെത്തി ഇന്ധനക്ഷമതയുള്ള റൂട്ടിംഗ് തിരഞ്ഞെടുക്കാൻ കഴിയും.

Story Highlights: Google Maps now tells users in India how to save fuel