വിഴിഞ്ഞത്ത് ടിപ്പര് ലോറിയില് നിന്നും കരിങ്കല്ല് തെറിച്ചു വീണ് മെഡിക്കല് വിദ്യാര്ത്ഥിക്ക് ദാരുണാന്ത്യം
വിഴിഞ്ഞം തുറമുഖത്തിലേക്ക് പോയ ടിപ്പര് ലോറിയില് നിന്നും കരിങ്കല്ല് തെറിച്ചു വീണ് മെഡിക്കല് വിദ്യാര്ത്ഥി മരിച്ചു. മുക്കോല സ്വദേശി അനന്തു(24) വാണ് മരിച്ചത്. നിംസ് കോളജിലെ നാലാം വർഷ ബിഡിഎസ് വിദ്യാർത്ഥിയായിരുന്നു. ഇൻക്വസ്റ്റ് നടപടികൾക്ക് ശേഷം പോസ്റ്റ്മോർട്ടത്തിനായി മെഡിക്കൽ കോളജിലേക്ക് മാറ്റും
തുറമുഖത്തിന് സമീപം മുക്കോല ജംങ്ഷനില് ഇന്ന് രാവിലെയാണ് അപകടമുണ്ടായത്. സ്കൂട്ടറില് പോകുകയായിരുന്ന അനന്തുവിന്റെ ദേഹത്തേക്ക് ലോറിയില് നിന്നും കല്ല് തെറിച്ചു വീഴുകയായിരുന്നു. ഇതേത്തുടര്ന്ന് സ്കൂട്ടര് സമീപത്തെ മതിലില് ഇടിച്ചു മറിഞ്ഞു.
കല്ല് അനന്തുവിന്റെ ദേഹത്ത് പതിക്കുകയും ചെയ്തു. അപകടത്തിന് പിന്നാലെ വിവിധ പാർട്ടികളുടെ നേതൃത്വത്തിൽ തുറമുഖ കവാടം ഉപരോധിച്ച് പ്രതിഷേധം സംഘടിപ്പിച്ചിരുന്നു.
Story Highlights: medical student met a tragic end after a stone fell from a lorry in Vizhinjam
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here