ഡൽഹിയ്ക്ക് പിന്നാലെ ബാംഗ്ലൂരിലെ സ്കൂളുകളിലും ബോംബ് ഭീഷണി; സന്ദേശം വ്യാജമെന്ന് പൊലീസ്
![Bomb Threat in Private School In Bengaluru](https://www.twentyfournews.com/wp-content/uploads/2024/05/bomb.jpg?x93056)
ഡൽഹിയ്ക്ക് പിന്നാലെ ബാംഗ്ലൂരിലെ സ്കൂളുകളിലും ബോംബ് ഭീഷണി. ബംഗളൂരു സൗത്ത് കഗല്ലിപ്പുരയിലെ സ്വകാര്യ സ്കൂളിലേക്കാണ് ഭീഷണി മെയിൽ വന്നത്. ബോംബ് സ്ക്വാഡും, പൊലീസും സ്ഥലത്ത് പരിശോധന നടത്തി. പരിശോധനയിൽ ബോംബുള്ളതിന്റെ യാതൊരു സൂചനയും കണ്ടെത്താൻ സാധിച്ചിട്ടില്ല. ബോംബ് ഭീഷണി വ്യാജമാണെന്നാണ് പൊലീസിന്റെ പ്രാഥമിക നിഗമനം. (Bomb Threat in Private School In Bengaluru)
അമൃത്ഹള്ളി പൊലീസ് സ്റ്റേഷൻ പരിധിയിലാണ് സ്കൂൾ സ്ഥിതിചെയ്യുന്നത്. അർധരാത്രിയിലാണ് സ്കൂളിൽ ബോംബുള്ളതായി ഇ മെയിൽ സന്ദേശം അയച്ചിരിക്കുന്നത്. അമൃത്ഹള്ളി പൊലീസിനൊപ്പം ബോംബ് സ്ക്വാഡും പൊലീസ് നായയും സംഭവസ്ഥലത്തെത്തി പരിശോധന നടത്തി.
Read Also: ‘മോദി ഭയന്നിരിക്കുകയാണ്, കുറച്ചു ദിവസങ്ങൾ കഴിഞ്ഞാൽ പൊട്ടിക്കരയും’; രാഹുൽ ഗാന്ധി
കഴിഞ്ഞയാഴ്ച ഡല്ഹിയിലെ 131 സ്കൂളുകളിൽ വ്യാജ ബോംബ് ഭീഷണിയെത്തിയിരുന്നു. തുടര്ന്ന് സ്കൂളുകളിലെല്ലാം ഡല്ഹി പൊലീസ് വ്യാപകമായി പരിശോധന നടത്തിയിരുന്നെങ്കിലും ബോംബ് കണ്ടെത്താനായിരുന്നില്ല. ഈ സന്ദേശങ്ങള്ക്കെല്ലാം പിന്നില് റഷ്യന് ബന്ധമുണ്ടെന്നാണ് ഡല്ഹി പൊലീസ് വിശദീകരിക്കുന്നത്. ഈ സംഭവത്തിനുപിന്നാലെ രണ്ട് ദിവസത്തിനകം അഹമ്മദാബാദിലെ സ്കൂളുകള്ക്കും ഭീഷണി സന്ദേശം എത്തിയിരുന്നു.
Story Highlights : Bomb Threat in Private School In Bengaluru
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here